রূত 2:2 - Chakma Bible

² একদিন্যে মোয়াবীয় রূতে নয়মীরে কলঅ, “মুই ক্ষেদত্‌ যেইনে পড়ি-আগন্দে ধান শীজেগুন্‌ কুড়ে আনিমবোই নাহি? যে মরে মেইয়্যে গুরিনে কুড়েই নিবাত্তে দিবো মুই তা পিজে পিজে থেইম্‌।” নয়মী তারে কলঅ‌, “অয়, মা, যাহ্।”

রূত 2:2 ပူးပေါင်းရင်းမြစ်များ

পত্থম 32:6

মানুচ্চুনে ফিরি এইনে যাকোবরে কলাক্, “আমি তঅ ভেই এষৌ মুজুঙোত্ যেইয়্যেই। তে ইক্কুনি চের্‌শঅ মানুচ্ নিনেই তঅ লগে দেগা গুরিবাত্তে এজের্।”

লেবীয় 19:10

আংগুর ক্ষেদত্তুন্‌ আংগুর্‌ তুলোনা শেজ্‌ অলে আরঅ‌ তুমি সে ক্ষেদত্‌ আংগুর্‌ তুলিবাত্তে ন-যেবা আর পড়ি থেইয়ে আংগুরুন ন-কুড়েবা। নাদা মানুচ্‌ আর অন্য জাদর্‌ মানুচ্চুনোত্তে সিয়েনি থোই দিয়া পুরিবো। মুই লগেপ্রভু তমার গোজেন।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

লেবীয় 19:9

ফসল কাবিবার্‌ অক্তত্‌ তুমি ক্ষেদর্‌ কাজাকুরেদি ফসলানি ন-কাবিবা আর ক্ষেদত্‌ যিয়েনি থেবঅ সিয়েনিয়ো ন-কুড়েবা।

লেবীয় 23:22

“তুমি যেক্কে তমার ভূইয়োর্ ক্ষেত্তানি কাবিবা সেক্কে ভূইয়ো দুঝির্‌ ক্ষেত্তানি তুমি ন-কাবিবা আর পড়ি থেইয়্যে শোজ্য থুবেইনে ন-নেযেবা। সিগুন্‌ নাদামানুচ্‌ আর দেজত্‌ বজত্তি গোজ্যে অন্য জাদর্‌ মানুচ্চুনোত্তে থুয়ো পুরিবো। মুই লগেপ্রভু তমার্ গোজেন।”

রূত 2:3

সেক্কে রূতে নিগিলি গেলঅ‌ আর খেদত্‌ যেইনে যিগুনে ফসলানি কাবদন্‌ তারার পিজে পিজে শীজেগুন কুড়ো ধুরিলো; আর এন্‌ অলঅ‌, তে যিয়েনত্‌ শীজেগুন কুড়োর্‌ সিগুন্‌ অলদে ইলীমেলকর গুট্টির্‌ বোয়সর ক্ষেততান্‌।

রূত 2:7

মিলেবো কোইয়্যেদে, যিগুনে ফসল কাবদন্‌ তারার্‌ পিজে পিজে বনাগুনোর্ সেরে সেরে পড়ি থেইয়্যে শীজেগুন যেনে তারে মেইয়্যে গুরি কুড়েই নিবাত্তে দিয়্যে অয়। এধোক্ক্যেন গুরিনে তে বেন্যেত্তুন্‌ ধুরি এদক্ষণ সং ইদু আঘে; বানা হানক্ষণ তে ছালত্‌ তলে জিরেইয়্যে।”

১ শমূয়েল 1:18

হান্না কলদে, “এই চাগরানীবো উগুরে তর্‌ মেইয়্যে থোক্।” ইয়েন কোইনে তে গেলঅ আর হানা-দানা গুরিলোগোই। তার মুয়োন আর সুদোমু দেগা ন-গেলঅ।