রূত 2:11 - Chakma Bible

¹¹ সেনে বোয়সে কলদে, “তঅ‌ নেক্কোর্‌ মরাণার পরেন্দি তুই তঅ‌ শুড়ীবোত্তে যিয়েনি গোজ্যস্‌ সিয়েনি বেক্কানি মুই শুন্যং, আর ইয়েন্‌অ শুন্যং, তঅ‌ মা-বাপ্‌পুন আর জর্ম ওইয়্যে জাগায়ান ছাড়িনে তর্‌ অজানা এক্কো জাদঅ‌ ভিদিরে তুই বজত্তি গুরিবাত্তে এচ্ছোস্‌।

রূত 2:11 ပူးပေါင်းရင်းမြစ်များ

২ শমূয়েল 21:11

শৌলর দ্বিতীয় ঘর মোগ্ অয়ার ঝি রিস্পা যিয়েনি গোজ্যে সিয়েনি দায়ূদোরে কুয়া অলঅ।

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

লূকে লেখ্যে গম্ হবর্ 14:33

শেজদি যীশু কলঅ, সেবাবোত্যেগুরি তমা ভিদিরে যুনি কেঅ চিন্তে-ভাবনা গুরিনে তার্ বেক্কানি ছাড়িনে ন-এজে সালে তে মঅ শিচ্চ্য ওই ন-পারে।

লূকে লেখ্যে গম্ হবর্ 5:11

সে পরেদি তারা নঅগানি পারত্ আনিলাক্ আর বেক্কানি থোইনে যীশু লগে গেলাক্।

লূকে লেখ্যে গম্ হবর্ 5:23

কুবোন্ কনা সহজ, ‘তঅ পাপ্পান্ খেমা গরা অলঅ,’ না ‘তুই উদিনে আঢি বেড়া ’?

রূত 1:11

নয়মী কলঅ‌, “না, মা, তুমি ঘরত্‌ ফিরি যঅ। তুমি কিত্তেই মঅ‌ লগে যেবা? মঅ‌ পেদত্‌ কি আর পূঅ অবার্‌ আজা আঘে যিগুনে তমার্‌ নেক্‌ ওই পারিবাক্‌?

রূত 2:10

এ কধাগান শুনিনে রূতে মাদিত্‌ মাদা নিগিরিনেই তারে সালাম্‌ গুরিনে কলঅ‌, “তুই মেইয়্যে গুরিনে মঅ‌ উগুরে এদক্‌ মনান্‌ দুয়োচ্‌, ইয়েন্‌ কেধোক্ক্যেন্‌ গুরিনে অলঅ? মুই দঅ‌ এক্কো বিদেশী মিলে।”

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”

রূত 3:10

জোবত্‌ বোয়সে কলঅ, “লগেপ্রভুর তরে আশিদ্‌বাদ গোরোক। এদকদিন সং তুই যে বিশ্বেজ্‌চান্ দেগেয়োচ্‌ তাত্তুন বেশ্‌ এবেরা আরঅ বেশ্‌ বিশ্বেজ্ দেগেলে, কিত্যে থাগোয়্যে-নাদা কনঅ গাবুজ্যের্ পিজেন্দি তুই ন-যাচ্‌।

রূত 4:15

পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”