রূত 1:21 - Chakma Bible

²¹ মুই ভরন্‌পুরোন্‌ আত্তোই যেইয়োং মাত্তর্‌ লগেপ্রভু মরে সুদো আত্তোই ফিরেই আনিলো। লগেপ্রভু যেক্কে মঅ‌ বিরুদ্ধে সাক্ষী দের্‌ আর দিন দুনিয়ের্‌ গিরোজ্‌ গোজেনে যেক্কে মরে দুগোত্‌ ফেলেয়্যে সেক্কে তুমি মরে কিত্তে আর নয়মী বিলি ডাগর্‌?

রূত 1:21 ပူးပေါင်းရင်းမြစ်များ

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

ইয়োব 10:17

মঅ বিরুদ্ধে তুই নুয়ো নুয়ো সাক্ষী তুলোর্‌ আর মঅ উগুরে তর্‌ কাঙেলেত্যে বাড়েই তুলোর্‌; তঅ আক্রমণান্‌ এককানর্‌ পর্‌ এক্কান্‌ মঅ বিরুদ্ধে এজের্‌।

ইয়োব 13:26

তুই দঅ মর্‌ বিরুদ্ধে তিদে কধা লেখ্যচ্‌, মর্‌ গাবুজ্যের্ পাবর্‌ ফল মরে ভুগোর্‌।

ইয়োব 16:8

তুই মঅ কিয়্যেগান্‌ শুগেই ফেলেয়োজ্, আর সিয়েন মঅ বিরুদ্ধে সাক্ষী ওইয়্যে; মঅ শুগুনো চেঙারাগানে মঅ বিরুদ্ধে সাক্ষি দের্‌।

ইয়োব 30:11

গোজেনে মরে বলনেইয়্যে গোজ্য আর মরে দুগোত্ ফেলেয়্যে; সেনত্তে তারা কনঅ মানা ন-মানিনে মঅ বিরুদ্ধে উঠ্যন্।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রূত 1:13

সালে তারা দাঙর্‌ অয় সং কি তুমি বাজ্জেই থেবা? তারাত্তে কি তুমি নেক্‌ ন-লোনেই থেবা? না, মা, না। তমাত্তুন বেশ্‌ মঅ‌ জীংকানিগান আরঅ‌ বোউত্‌ তিদে, কিত্যে লগেপ্রভু মঅ‌ বিরুদ্ধে থিয়েইয়্যে।”