রূত 1:17 - Chakma Bible

¹⁷ তুই যিয়েনত্‌ মুরিবে মুইয়ো সিয়েনত্‌ মুরিম্‌ আর সিয়েনত্‌ যেনে মর্‌ গোর্‌ অয়। এক মরণ বাদে আর অন্য কিজুয়ে যুনি আমারে ফারক্‌ গরে সালে লগেপ্রভু যেনে মরে সাজা দে আর সিয়েন জদবদে দে।”

রূত 1:17 ပူးပေါင်းရင်းမြစ်များ

২ শমূয়েল 15:21

মাত্তর্‌ ইত্তয় রাজারে কলঅ, “জেদা লগেপ্রভুর নাঙে কঙর্ আর মঅ গিরোজ্‌ মহারাজার্‌ নাঙে কঙর্, মঅ গিরোজ্‌ মহারাজে যিয়েনত্‌ থেবঅ সিয়েনত্‌ তঅ চাগর্‌ মুইয়ো থেম্‌, সেক্কে মুই বাঁজি থাং বা মুরি যাং।”

২ শমূয়েল 19:13

তুমি মর্‌ ওইনে অমাসারে এ কধাগান কঅ, তুইয়ো কি মর্‌ এক য়েরা নয়? ইক্কেত্তুন্‌ ধুরি যোয়াবর জাগানত্‌ তুই যুনি মঅ সৈন্যদলর সেনাপতি ন-অচ্‌ সালে গোজেনে যেনে মরে সাজা দে, আর সিয়েন জদবদে গুরিনেই দে।

২ শমূয়েল 3:35

বেলান্‌ থাগদে থাগদে যেনে দায়ূদে কিজু হায় সেনত্তে মানুচ্চুনে তারে কোজোলী গরা ধুরিলাক্; মাত্তর্‌ দায়ূদে শমক্‌ হেইনে কলঅ, “বেলান্‌ ডুবিবার আগেন্দি যুনি মুই পিদে বা অন্য কিজু হাং সালে গোজেনে যেনে মরে সাজা দে আর সিয়েন জদবদে গুরি দে।”

২ শমূয়েল 3:9

দায়ূদো ইদু লগেপ্রভু শমক্‌ হেইনে এগেম্ গোজ্যেদে সেবাবোত্যে গুরিনে যুনি মুই কাম্‌ ন-গরং, অত্তাৎ শৌলর বংশত্তুন্‌ রেজ্য লোইনে দানত্তুন্‌ বের্‌-শেবা সং ইস্রায়েল আর যিহূদা উগুরে দায়ূদোর সিংহাসনান্ থিদেবর্ ন-গরং সালে গোজেনে যেনে অব্‌নেররে সাজা দে আর সিয়েন জদবদে দে।

১ রাজাবলী 13:31

তারে গোর্ দেনার্‌ পরেন্দি সে ভাববাদীবো তা পূঅগুনোরে কলঅ, “গোজেন মানুচ্চোরে যিয়েনত্‌ গোর্ দিয়্যে ওইয়্যে মুই মুরি যানার্‌ পরেন্দি মরে সে গোরানত্‌ গোর্ দুয়ো, মঅ আড়ুন্‌ তা আড়ুনোর্‌ কায়কুরে রাগেয়ো;

১ রাজাবলী 19:2

বেক্‌ কধানি শুনিনে ঈষেবলে মানুচ্‌ দিইনে এলিয়রে কোই পাদেল, “এযেত্যে কেল্যে এ সময়ান ভিদিরে তর্‌ দজাগান্‌ যুনি তারার্‌ একজন ধোক্ক্যেন্ ন-গরঙ্‌ সালে দেবেদাগুনে যেনে মরে সাজা দুয়োন্‌ আর সিয়েন্‌ জদবদে গুরি দুয়োন।”

১ রাজাবলী 2:23

ইয়েনর্ পরেন্দি রাজা শলোমন লগেপ্রভুর নাঙে শমক্‌ খেইনে কলদে, “এ কোজোলিগানত্তে যুনি আদোনিয়র পরাণান নেযা ন-অয় সালে লগেপ্রভু যেনে মরে সাজা দে, আর সিয়েন জদবদেগুরিনে দে।

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

২ রাজাবলী 6:31

তে কলদে, “এচ্ছে যুনি শাফটর্‌ পূয়ো ইলীশায়র মাধাবো তা কানা উগুরে থায় সালে গোজেনে যেনে মরে সাজা দে, আর সিয়েন্‌ জদবদে গুরি দে!”

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

রূত 1:16

মাত্তর্‌ রূতে কলঅ, “তরে ফেলেই যেবাত্তে তুই মরে জোর্‌ ন-গুরিচ্‌, বা তঅ সমারে যেবাত্তে মরে মানা ন-গুরিচ্‌। তুই যিদু যেবে মুইয়ো সিদু যেম্‌ আর তুই যিয়েনত্‌ থেবে মুইয়ো সিয়েনত্‌ থেম্‌। তঅ‌ মানুচ্চুন্‌ অবাক্‌ মঅ‌ মানুচ্‌ আর তঅ‌ গোজেনে অবঅ মর্ গোজেন্‌।

রূত 4:15

পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”

১ শমূয়েল 14:44

শৌল কলঅ, “অয় যোনাথন, তত্তুনোই মরা পুড়িবো। গোজেনে যেন তরে শাস্তি দে, হামাক্কায় শাস্তি দে।”

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।

১ শমূয়েল 25:22

গোজেনে যেধোক্ক্যেন দায়ূদোর শত্রুগুনোরে হামাক্কায় জদবদেগুরি সাজা দিবো সেধোক্ক্যেন মুইয়ো হামাক্কায় কেল্যে বেন্যে সং নাবলর্ ঘরর্‌ এক্কো মরদ মান্‌জ্যরেয়ো বাঁজেই ন-রাগেম্‌।”

১ শমূয়েল 3:17

এলি পুযোর্ গুরিলো, “গোজেনে তরে কি কত্তে? মর্‌ মুজুঙোত্তুন তুই সিয়েনি ন-লুগেচ্‌। তে যিয়েনি কোইয়্যে সিয়েনি যুনি কিজু তুই মত্তুন লুগোচ্‌ সালে তে যেন তরে অমহদ সাজা দে।”