রোমীয় 9:4 - Chakma Bible

⁴ তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

রোমীয় 9:4 ပူးပေါင်းရင်းမြစ်များ

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:10

মর্‌ এ সুদোমান, যিয়েনর চিহ্নো ইজেবে তমার পত্তি মরদর্ চুনুগুলোবোর্ মাদাগান তনা গরা পড়িবো, সিয়েন্‌ তর্‌ আর তঅ বংশর্‌ মানুচ্চুনোত্তুন্‌ মানি চলা পড়িবো।

পত্থম 17:2

তত্তে মুই মঅ সুদোমান উজু গোজ্যং আর তঅ বংশগুন বোউত্‌ বাড়েই দিম্‌।”

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

১ রাজাবলী 8:11

সে মেঘ্‌কানত্তে ধর্মগুরুগুনে সেবা-কাম গুরিবাত্তে ন-পারিলাক্, কিত্তেই লগেপ্রভুর মহিমালোই তা ঘরান্‌ ভুরি যেইয়্যে।

নহিমিয় 13:29

ও মর্‌ গোজেন, ইগুনোর্‌ কধানি মনত্‌ রাগেচ্‌, কিত্যে ইগুনে ধর্মগুরুগুনোর্‌ পোজিশনানি অপবিত্র গোজ্যন্‌ আর ধর্মগুরু আর লেবীয়গুনোর্‌ কামর্‌ চুক্তিবো ভাঙোন্‌।

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

গীতসংহিতা 63:2

এ মনভাব্‌পোই সেই পবিত্রজাগানত্ মুই তরে দেখ্যং, দেখ্যং তর্ বল্ আর বাঈনী পানা।

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গীতসংহিতা 78:61

তা খেমতার চিহ্নোগান তে বন্দীদজাত্ পাদেল; তা মহিমার চিহ্নোগান তা শত্রুগুনো আদত্ দিলো।

গীতসংহিতা 89:3

তুই কোইয়োচ্যে, “মর্ বেঈ লোইয়্যে মানুচ্চোত্যে মুই এক্কান্ সুদোম থিদেবর্ গোজ্যং; মর্ চাগর দায়ূদো ইদু মুই এ শমক্তান্ গোজ্যং,

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

গীতসংহিতা 90:16

তঅ চাগরুনো ইদু তর্ কামানি আর তারার পুঅ ছাগুনোর ইদু তর্ বাঈনী গরানাগান্ তুই ফগদাং গর্।

যাত্রা 12:25

লগেপ্রভু যে দেজ্‌চান্‌ দিবাত্তে শমক্‌ গোজ্যে সে দেজ্‌চানত্‌ গেলেয়ো তুমি এ অনুষ্ঠানান্‌ পালেবা।

যাত্রা 34:27

সে পরেদি লগেপ্রভু মোশিরে কলঅ‌, “এই বেক্‌ কধানি তুই লিগি রাগা কিত্তে এই বেক্‌ কধা মজিম্ তর্‌ আর ইস্রায়েলীয়গুনোত্তে মুই মর্‌ সুদোমান্‌ থিদেবর্ গোজ্যং।”

যাত্রা 4:22

সে পরেদি তুই ফরৌণরে কবে, লগেপ্রভু কোইয়্যে, ‘ইস্রায়েল মর্‌ পত্তম্ পূয়োবো।

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যিশাইয় 41:8

লগেপ্রভু কত্তে, মাত্তর্ ও মর্ চাগর ইস্রায়েল, মর্ বেঈ লোইয়্যে যাকোব, মর্ দাংগু অব্রাহামর্ বংশ,

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 5:2

তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 60:19

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌

গণাণা 7:89

ইয়েনর পরেদি মোশি যেক্কে লগেপ্রভুর লগে কধা কবাত্তে মিলন-তাম্বুলোত্‌ চোমেদ সেক্কে সাক্ষ্য-সিন্দুগো উগুরে ঢাগনিগানর্‌ কাজাকুরেন্দি করূব দ্বিবের্‌ ভিদিরে জাগানত্তুন্‌ তাঁর কধানি শুনিদাক্। এবাবোত্যেগুরি লগেপ্রভু মোশি সমারে কধা কদঅ।

মথি লেখ্যে গম্ হবর্ 21:33

“যীশু কলঅ, আর এক্কান্ উপমা দুয়োং, শুনো। এক্কো ভূইয়ো গিরোজে এক্কান্ আংগুর খেত্ গুরিনে সিয়েনর্ চেরোকিত্তে ঘিরি দিলো। পরেদি সেই খেদ ভিদিরে আংগুর-রস বানেবাত্তে গাঢ্ খুড়িলো আর এক্কান্ অজল্ চুগিদার ঘর বানেল। ইয়েনর্ পরেদি তে কয়েক্কো চাষাবলা ইধু সেই আংগুর খেদ্‌তান বাগা দিইনে বিদেশত্ গেলঅ।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

রোমীয় 3:2

বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

রোমীয় 9:6

গোজেন কধানি যে মিজে ওই যেইয়্যে সিয়েন নয়, কিয়া যিগুনে ইস্রায়েল জাদ ইধু জোর্মেয়োন তারা বেক্কুনে ঘেচ্চেকগুরি ইস্রায়েল নয়।

২ করিন্হীয় 11:22

যিগুনে দেমাগ্ গরন তারা কি ইব্রীয়? আমিয়ো সেধোক্ক্যেন। তারা কি ইস্রায়েলীয়? মুইয়ো সেধোক্ক্যেন। তারা কি অব্রাহামর্ গুট্টি? মুই সেধোক্ক্যেন।

গালাতীয় 3:16

অব্রাহাম আর তার্ গুট্টিগুনো ইধু গোজেনে এগেম্ গোজ্জ্যে। পবিত্র বোইবো ন-কয়, “গুট্টিগুনো ইধু,” অত্তাৎ ভালোক্ গুট্টি ইধু, বরং কোইয়্যেদে, “তর্ গুট্টিগুনো ইধু,” অত্তাৎ এক্কো গুট্টি ইধু, আর সেই গুট্টিগুনোর্ বংশ অলঅ খ্রীষ্ট।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

দ্বি’লম্বর বিররণ 14:1

তুমি তমার গোজেন লগেপ্রভুর পূঅ। সেনত্যে মরা মান্‌জ্যত্যে আবিলেচ্‌ গুরিবাত্তে যেইনে কিয়্যেগানর্‌ কনঅ জাগাত তমাত্তুন্‌ ঘা গুরি ন-পারিবা, বা কুল্লো মুজুঙেন্দি চুলান কাবি ন-পারিবো।

দ্বি’লম্বর বিররণ 29:1

লগেপ্রভু হোরেব মুড়োবোত্‌ মোশির মাধ্যমে ইস্রায়েলীয়গুনোত্তে এক্কান সুদোম থিদেবর্ গোজ্যে, আর ইয়েনি অলঅ তার দ্বিলম্বর সুদোমর্ শর্ত যিয়েনি তে মোশিরে মোয়াব দেজত্‌ ইস্রায়েলীয়গুনোত্তে থিদেবর্ গুরিবাত্তে কোইয়্যে।

দ্বি’লম্বর বিররণ 29:14

আমার গোজেন লগেপ্রভুর মুজুঙোত্‌ এইনে এচ্চ্যে যিগুনে থিয়্যেইয়োন্‌ বানা তারাত্যেই যে মুই ঘেচ্চ্যেকগুরি শমক্‌ গোজ্যং এ ‍সুদোমর্ কধাগান ফগদাং গরঙর্‌ সিয়েন নয়, মাত্তর্‌ যিগুনোর্ এজঅ জর্ম ন-অয় তারাত্তেয়ো গরঙর্‌।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।

দ্বি’লম্বর বিররণ 7:6

তুমি এন্‌ এক্কো জাদ যিবেরে তমা গোজেন লগেপ্রভুর্‌ নাঙে যুদো গুরি রাগা ওইয়্যে। তুমি যেনে তমার গোজেন লগেপ্রভুর নিজোর্‌ মানুচ্‌ আর সোম্বোত্তি অ সেনত্যে পিত্‌থিমীর বেক্‌ জাদর্‌ ভিদিরেত্তুন্‌ তে তমারে বেঈ লোইয়্যে।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ইব্রীয় 9:5

সেই সিন্দুক্কো উগুরে গোজেনর্ মহিমালোই ভোজ্যে দ্বিবে সনার্ করূব এলঅ। তারার্ ডুয়োগানি সেই সিন্দুগোর ঢাগনি উগুরে মেল্যে এলঅ। এই ঢাগনিগান উগুরে পাপ ঢাগি দিয়্যে অদঅ। খালিক্ ইয়েনির্ টুগিটাগির্ কধা কনা ইক্কিনে সম্ভব নয়।

ইব্রীয় 9:6

এবাবোত্যে গুরি বেক্কানি যুক্কোল্ অনার পরেদি ধর্মগুরুগুনে প্রায়ই তাম্বুলানর্ পত্তম ভাক্কানত্ সুমিনে গোজেনর্ সেবা গুরিদাক্;