রোমীয় 9:32 - Chakma Bible

³² কিত্ত্যেই ন-পারন্? কিয়া তারা বিশ্বেজ্ উগুরে নির্ভর ন-গুরিনে কাম উগুরে নির্ভর গোজ্জ্যন্। যে শিল্লোত্ মান্‌জ্যে উজোট্ খান্ এ সিবেত্ তারা উজোট্ খেইয়োন্।

রোমীয় 9:32 ပူးပေါင်းရင်းမြစ်များ

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

যিশাইয় 8:15

তারা ভিদিরে ভালোক্ জনে উজোত্ হেবাক্। তারা পড়ি যেইনে ভস্ত অবাক্; ফালত্ আক্‌সো যেইনে তারা ধরা পড়িবাক‌্।” ‍

মথি লেখ্যে গম্ হবর্ 13:57

এবাবোত্যেগুরি তারা যীশুরে এলাফেলা গুরিলাক্। যীশু তারারে কলঅ, “নিজো আদাম আর নিজো ঘর্ বাদে আর বেক্ জাগানিত্ ভাববাদীগুনে সর্মান পান্।”

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 7:23

আর তেয়ই বর্‌পেইয়্যে, যে মরে নিইনে মনত্ কনঅ সন্দেহ ন-গরে।”

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 11:11

সালে যিহূদীগুনে উজোট্ খেইনে কি জনমত্তে পড়ি গেলাক্? নিচ্চোই নয়, মাত্তর্ তারার্ পাপত্যে অযিহূদীগুনে উদ্ধোর্ পেবার্ জু পেলাক্ যেন যিহূদীগুনে আয়োজে জাগি উদোন্।

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।