রোমীয় 9:27 - Chakma Bible

²⁷ ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

রোমীয় 9:27 ပူးပေါင်းရင်းမြစ်များ

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

ইষ্রা 9:8

মাত্তর্ ইক্কিনে কানক্কনত্তে আমা গোজেন লগেপ্রভু দোয়্যে গুরিনে আমা কিজু মান্‌‌জ্যরে জেদা রাগেয়্যে আর তার্ সুদ্ধো-সাংগ দেজত্ আমারে এক্কান থিদেবর্ গোজ্যে জাগা দিয়্যে। এবাবোত্যেগুরি আমা গোজেনে আমারে হুজি অনাগান্ ফিরেই দিয়্যে আর আমা চাগর্ খাদানাত্তুন্ আমারে এক্কানা পরাণান্ জুড়েই দিয়্যে।

যিশাইয় 1:1

যিহূদা দেজর্ রাজা উষিয়, যোথম, আহস আর হিষ্কিয়র রাজাগিরির্ সময়োত আমোসর পুয়ো যিশাইয় যিহূদা আর যিরূশালেম পৌইদ্যেনে যে দর্শনান্ পেইয়্যে সে পৌইদ্যেনে ইয়েনত্ লেগা আঘে।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 24:13

জলপাই গাজ্‌চুন ঝাড়া অলে পরেদি আর আংগুর তুলোনার পরেদি যেধোক্ক্যেন গাজত্ কম ফল থান্, পিত্‌থিমীর জাদ্‌তুনোর অবস্থা সেধোক্ক্যেন অবঅ।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,

যিহিষ্কেল 6:8

“‘মাত্তর্ মুই কিজু মান্‌‌‌‌‌‌‌জ্যরে বাঁজেই রাগেম্; তুমি যেক্কে নানান্ দেজত্ আর জাদ ভিদিরে ছিদি পড়িবা সেক্কে সেই মানুচ্চুনে মরণর্ আঢত্তুন বাঁজিবাক্।

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।