রোমীয় 9:18 - Chakma Bible

¹⁸ সালে দেগা যাত্তে, গোজেনে নিজোর্ আওজ্ মজিম কাররে দোয়্যে গরে আর কারর্ মনানি দরমর গরে।

রোমীয় 9:18 ပူးပေါင်းရင်းမြစ်များ

যাত্রা 10:1

ইয়েন পরেদি লগেপ্রভু মোশিরে কলঅ, “তুই ফরৌণ ইধু যাহ্। মুই ফরৌণ আর তা কাম্‌গুরিয়্যেগুনোর্‌ মনানি দর গুরি দুয়োং যেনে তারা মর্‌ এ খেমতাগানর্‌ চিহ্নোগানি দেগন্‌ আর যেনে পরেদি তুই তঅ পূয়োগুনো ইধু আর নাদিনুনো ইধু কোই পারচ্‌ মিসরীয়গুনোরে মুই কেধোক্ক্যেন গুরিনে ভুল্‌ বানেয়োং আর মঅ খেমতার্‌ চিহ্নোগানি দেগেয়োং। ইয়েন্দোই তুমি বুঝি পারিবাদে, মুয়ই লগেপ্রভু।”

যাত্রা 10:20

মাত্তর্‌ লগেপ্রভু ফরৌণ মনান্‌ দরঅ গুরি দিলো; তে ইস্রায়েলীয়গুনোরে যেবাত্তে ন-দিলো।

যাত্রা 10:27

মাত্তর্‌ লগেপ্রভু ফরৌণ মনান্‌ দরঅ গুরি দিলো আর সেক্কে তারারে ইরি দেদে তে রাজী ন-অলঅ।

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 7:13

মাত্তর্‌ লগেপ্রভু তারারে যিয়েনি কোইয়্যে সিয়েন অলঅ। ফরৌণ মনান্‌ দরঅ ওই রলঅ; তে মোশি আর হারোণ কধা ন-শুনিলো।

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

যাত্রা 9:12

মাত্তর্‌ লগেপ্রভু ফরৌণ মনান্‌ দরঅ গুরি দিলো। সেক্কে লগেপ্রভু যিয়েনি কোইয়্যে সিয়েনি অলঅ। মোশি আর হারোণ কধা ফরৌণে ন-শুনিলো।

যাত্রা 9:7

ফরৌণে মানুচ্‌ পাধেইনে হবর্‌ নিইনে জানি পারিলো, ইস্রায়েলীয়গুনোর্‌ এক্কো য়েমান্অ ন-মরন্‌। তো ফরৌণ মনান্‌ দরঅ ওই রলঅ; তে মানুচ্চুনোরে যেবাত্তে ন-দিলো।

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।