রোমীয় 8:5 - Chakma Bible

⁵ যিগুনে পাপ-খাচ্চ্যদর্ তলে তারার্ মনানি পাপ-খাচ্চ্যদে যিয়েনি চায় সিয়েনি আয়োজি; আর যিগুনে পবিত্র আত্মার্ তলে তারার্ মনানি পবিত্র আত্মাগানে যিয়েনি চায় সিয়েনি আয়োজি।

রোমীয় 8:5 ပူးပေါင်းရင်းမြစ်များ

মার্ক 8:33

মাত্তর্ যীশু ফিরিনে শিচ্চ্যগুনো ইন্দি রিনি চেলঅ আর পিতররে তেল্যে গুরিনে কলঅ, “মঅ কায় কুরেত্তুন্ দূর্ অ শদান্। গোজেনর যিয়েন্, সিয়েন্ তুই ন-ভাবর্, মাত্তর্ মান্‌‌জ্যর্ যিয়েন, সিয়েন-ই ভাবর্।”

যোহন 3:6

মান্‌জ্যত্তুন্ যিবে জর্মায় সিবে মানুচ্‌, আর যিয়েন্ পবিত্র আত্মাত্তুন্ জর্মায় সিয়েন্ আত্মা।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 15:48

পিত্‌থিমীর্ মানুচ্চুনে সেই মাদিলোই বানেয়্যে মান্‌জ্য ধোক্ক্যেন, আর যিগুনে স্বর্গত্ যেবাক্ তারা সেই স্বর্গর্ মান্‌জ্য ধোক্ক্যেন।

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

২ করিন্হীয় 10:3

যুনিয়ো আমি লো-য়েরালোই মানুচ্ তো আমি যে যুদ্ধো গুরির্ সিয়েন লো-য়েরার্ যুদ্ধো নয়।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।