রোমীয় 8:36 - Chakma Bible

³⁶ পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

রোমীয় 8:36 ပူးပေါင်းရင်းမြစ်များ

গীতসংহিতা 141:7

মান্‌জ্যে চাষ গুরিনে যেবাবোত্যে গুরি মাদিগানরে ভাঙি ফেলান্ সেবাবোত্যেগুরি আমা আড়ুন গোরত্ ছিদি দিয়্যে ওইয়্যে।

গীতসংহিতা 44:11

ডালি দেদে ভেড়া ধোক্ক্যেন্ গুরিনে তারার আঢত্ তুই আমারে তুলি দুয়োচ্ আর নানান্ জাদ ভিদিরে ছিদি দুয়োচ্।

গীতসংহিতা 44:22

মাত্তর্ তো তত্তেই আমিঝে আমাত্তুন কেও কাররে মারে ফেলা অর্। ডালি দিয়্যে ভেড়া ধোক্ক্যেন মান্‌‌জ্যে আমারে মনে গরন্।

যিশাইয় 53:7

তে অত্যেচারিত অলঅ আর দুঘ্ পেলঅ, মাত্তর্ তো তে মুয়োন্ ন-খুলিলো; কাবি ফেল্যে ভেড়া ছঅ ধোক্ক্যেন, কেশ্ উগুরেয়্যেগুনো মুজুঙোত্ জুরো গুরি থেইয়্যে পাদি ভেড়া ধোক্ক্যেন তে মুয়োন্ ন-খুলিলো।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 12:3

ও লগেপ্রভু, তুই মরে হবর্ পাজ; তুই মরে চেই থাচ্ আর তঅ উগুরে মর্ ভোক্তি কত্তমান সিয়েন যগা চাজ্। ভেড়া ধোক্ক্যেন কাবি ফেলেবাত্তে তুই তারারে টানি নেযাচ্; কাবিবার দিন্নোত্তে তারারে যুদো গুরি রাগেজ্।

যিরমিয় 51:40

ভেড়া ছঅগুনো ধোক্ক্যেন্‌গুরি, ভেড়া আর পাদা ধোক্ক্যেন্‌গুরি মুই তারারে জবাই গুরিবার জাগানত্ নেযেম।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 8:32

সেই চাগর্‌বো পবিত্র বোইবোর্ যে ভাগ্‌কান পড়ের্ সিয়েন অলঅ: জবাই গুরিবাত্যে যেবাবোত্যে গুরি ভেড়া নেযা অয়, সেবাবোত্যে তারে নেযা অলঅ। কেশ্‌চানি আজুরি দিয়্যেবো মুজুঙোত্ ভেড়া ছবুয়ো যেবাবোত্যে গুরি অলর্ গুরি থায়, সেবাবোত্যে গুরি তে মুয়োন্ ন-খুলিলো।

১ করিন্হীয় 15:30

আর কিত্ত্যেই বা আমি আমিঝে দজাত্ পুরির্?

১ করিন্হীয় 15:31

ভেইলগ্, আমা প্রভু খ্রীষ্ট যীশুর্ কামত্ তমারে লোইনে মর্ যে বাড়্, সেই বাড়ান্দোই মুই ঘেচ্চেকগুরি কঙত্তে, পত্তি দিন মুই মরণর্ মুয়োমি অঙর্।

১ করিন্হীয় 4:9

মারে ফেলা অবঅ বিলি যিগুনোরে মিছিলো শেজদি রাগা অয়, মর্ মনে অয় গোজেনে আমারে, অত্তাৎ প্রচারগ্‌কুনোরে ঠিগ্ সেধোক্ক্যেন বেক্কুনো শেজত্ থোইয়্যে। আমি গোদা পিত্‌থিমীয়ান ইধু, অত্তাৎ স্বর্গদূত আর মানুচ্চুনো ইধু যেন ঠাট্টা হেইয়্যে মানুচ্ ওইয়্যেই।

২ করিন্হীয় 1:9

আমি মনে গোজ্জ্যেই, এবেরা আমি খামাক্কায় মুরি যেবং। মাত্তর্ এ অবস্থাগান আমার্ ইয়েনত্যে ওইয়্যে যেন আমি নিজো উগুরে নির্ভর ন-গুরিনে গোজেন, যিবে মরাগুনোরে জেদা গুরি তুলে, তা উগুরে নির্ভর গুরিই।

২ করিন্হীয় 11:23

তারা কি খ্রীষ্টর্ সেবাগুরিয়্যে? মুই আরঅ বেচ্‌ গুরি সেধোক্ক্যেন। মনত্ রাগেয়ো, মুই মাঢা-খারাব মান্‌জ্য ধোক্ক্যেন কধা কঙর্। খ্রীষ্টর্ সেবা গুরিবাত্যে যেইনে মুই তারাত্তুন্ বোউত্ বেশ্ কাম গোজ্জ্যং, আরঅ ভালোক্ বার জেল্ কাট্ট্যং, আরঅ ভালোক্ বার পিদে খেইয়োং, ভালোক্ বার মরণ মুয়োত্ পোজ্জ্যং।

২ করিন্হীয় 6:9

মান্‌জ্যে আমারে চিনিবাত্যে ন-চান্, মাত্তর্ বেক্কুনে আমারে চিনোন্। আমি মরেদে ধোক্ক্যেন্ ওর্, তো বাঁজি আঘিই। আমারে মার্‌‌ধোর্ গরা অর্, তো মারে ফেলা ন-অর্।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।