রোমীয় 8:35 - Chakma Bible

³⁵ সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

রোমীয় 8:35 ပူးပေါင်းရင်းမြစ်များ

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

পরমগীত 3:4

তারারে ফেলেইনে উজেই যাদে মুই মর্ পরাণর্ কোচ্‌পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং। ‌‌‌‌‌‌‌‌‌

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 2:9

যিগুনে পাপ গুরিনে বেড়ান্ তারার্ পত্তিজনর্ দুঘ্-দুদ্দশা অবঅ-পত্তমে যিহূদীগুনোর্, সে পরেদি অযিহূদীগুনোর।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

রোমীয় 8:39

বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

১ করিন্হীয় 4:11

ইক্কিনিয়ো আমি পেট পড়ায় আর পানি তিরেজে দুঘ্ পেইর্। আমার্ কাবড়র অভাব আঘে, আমা লগে চিৎ নপুজ্যে বেবহার গরা অর্, আমার ঘর-বাড়ী নেই।

১ করিন্হীয় 4:12

আমি নিজে আঢে দর-মর কাম গুরির্। যেক্কে মান্‌জ্যে আমারে গেইল্‌ দুয়োন্ সেক্কে আমি তারার্ ভালেদি চেই; যেক্কে তারা আমারে দুঘ্ দুয়োন সেক্কে আমি সিয়েনি সোজ্জ্য গুরিই;

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

২ করিন্হীয় 4:8

বেক্কানিত্তুন্ আমা উগুরে চাপ্ পরের্, তো আমি ভাঙি ন-পুরির্। বুদ্ধি-নেইয়্যে অলেয়ো আমি পুরোপুরি আজা নেইয়্যে ন-ওর্;

২ করিন্হীয় 4:9

অত্যেচারিত অলেয়ো গোজেনে আমারে ন-ছাড়ের্; মাদিত্ আযার্ মারিলেয়ো আমি ভস্ত ন-ওর্।

ইফিষীয় 3:19

খ্রীষ্টর্ সেই কোচ্‌পানাগান বুদ্ধিলোই হবর্ ন-পায়; তো মুই তবনা গরং যেন তুমি সেই কোচ্‌পানাগান বুঝি পারঅ, যেন গোজেনর্ বেক্‌ পূর্ণতাগান্দোই তুমি ভর্‌পুনোং অ।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।