রোমীয় 8:31 - Chakma Bible

³¹ সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:31 ပူးပေါင်းရင်းမြစ်များ

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

১ রাজাবলী 8:57

আমা গোজেন লগেপ্রভু যেধোক্ক্যেন আমা পূরোণি মানুচ্চুনোর সমারে এলঅ সেধোক্কেন্‌ তে আমা সমারেয়ো থোগ্। তে যেনে কনদিনঅ আমারে ছাড়ি ন-যায় বা ছাড়ি নঅ-দে।

২ রাজাবলী 6:16

জোবত্‌ ভাববাদীবো কলঅ, “ন-দোরেচ্‌। যিগুনে আমা লগে আগন্‌ তারা সিগুনোত্তুন্‌অ জনেদি বেশ্‌।”

১ বংশধর 19:15

অরামীয়গুনোরে ধেই যাদে দেগিনে অম্মোনীয়গুনেয়ো যোয়াব ভেই অবীশয় মুজুঙোত্তুন্‌ ধেই যেইনে শঅর ভিদিরে সুমিলাক্‌। সেনত্তে যোয়াবে যিরূশালেমত্‌ ফিরি গেলঅ।

১ বংশধর 5:22

ইগুন্‌ বাদেয়ো শত্রুগুনোত্তুন্‌ বোউত্ মারা পড়িলাক্‌, কিত্তে গোজেনে এ যুদ্ধোগান্‌ ওইয়্যে। ইস্রায়েলীয়গুনে বন্দী অবার আগেন্দি সং সিদু বজত্তি গুরিদাক্‌।

গীতসংহিতা 118:6

লগেপ্রভু মঅ তপ্পে আঘে, মুই নঅ-দোরেম্; মান্‌জ্যে মরে কি গুরি পারন্?

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 56:11

মুই তা উগুরে বিশ্বেজ্ গরং; মুই ন-দোরেম, মান্‌জ্যে মরে কি গুরি পারন্?

গীতসংহিতা 56:4

যিবের কধানির গুণগান মুই গাং, সেই গোজেন উগুরে, অয়, সেই গোজেন উগুরে মুই বিশ্বেজ্ গরং; মুই ন-দোরেম, মান্‌জ্যে মরে কি গুরি পারন্?

গীতসংহিতা 56:9

যেদিন্যে মুই তরে ডাগিম, সেদিন্যে মর্ শত্রুগুনে ধেই যেবাক্; মুই হবর্ পাং গোজেনে মঅ সমারে আঘে।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 42:11

যিবেরে তুমি দরর্ সে বাবিলর রাজারে তুমি ন-দোরেয়ো, কিত্তে মুই তমা লগে লগে আগং। মুই তমারে রোক্ষ্যে গুরিম আর তা আঢত্তুন্ তমারে উদ্ধোর্ গুরিম।

গণাণা 14:9

সালে তুমি লগেপ্রভুর বিরুদ্ধে উল্লোমী ন-গোজ্য। তুমি সেই দেজর্‌ মানুচ্চুনোরে ন-দোরেইয়ো; তারারে গিলি খাদে আমার্‌ দেরি ন-অবঅ। তারারে আর রোক্ষ্যে গুরিয়ে নেই। তারারে তুমি ন-দোরেয়ো কিত্যে লগেপ্রভু আমা লগে আঘে।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 4:1

সালে আমা পূরোণি মানুচ্ অব্রাহাম পৌইদ্যেনে আমি কি কবং? এ পৌইদ্যেনে তে কি দেক্ক্যে?

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

১ যোহন 4:4

মাত্তর্ পুয়ো-ছা লগ্, তুমি গোজেনর্। তুমি সেই ভন্ডগুনো উগুরে জিত্য, তাত্তুন্ যিবে তমা মনভিদিরে আঘে তে মহান।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”