রোমীয় 8:29 - Chakma Bible

²⁹ গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

রোমীয় 8:29 ပူးပေါင်းရင်းမြစ်များ

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:17

সেক্কে লগেপ্রভু মোশিরে কলঅ‌, “তুই যিয়েনি কোইয়োচ্‌ মুই সিয়েনি গুরিম্‌, কিত্তে মর্‌ দোয়্যেগান্‌ তঅ উগুরে আঘে আর মুই তরে মর্‌ নিজোর্‌ বিলিনে হবর্‌ পাং।”

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 28:10

যীশু তারারে কলঅ, “ন-দোরেয়ো; তুমি যেইনে ভেইয়ুনোরে গালীলোত্ যেবাত্তে কঅ। তারা সিধু মরে দেগিবাক্।”

মথি লেখ্যে গম্ হবর্ 7:23

সে পরেদি মুই তারারে কোলুং, মুই তমারে কনদিন্অ ন-চিনোং। পাজি মানুচ্চুন! মঅ কায়-কুরেত্তুন তুমি দূর্ অ।

যোহন 17:16

মুই যেধোক্ক্যেন্ এ জগদর্ নয় তারায়ো সেবাবোত্যে এ জগদর্ নয়।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 9:23

আরঅ তে তার্ অশেষ্ মহিমার্ কধায়ো জানেবাত্তে চেইয়্যে। যিগুন তার্ দোয়্যের্ মানুচ্ তারারে তে তার্ মহিমা পেবাত্তে আগেবাগে যুক্কোল্ গুরি রাগেয়্যে।

১ করিন্হীয় 15:49

আমি যেধোক্ক্যেন সেই মাদির্ মান্‌জ্য ধোক্ক্যেন্ ওইয়্যেই ঠিগ্ সেবাবোত্যে গুরি সেই স্বর্গর্ মান্‌জ্য ধোক্ক্যেন্অ অবং।

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 4:24

আর গোজেনর্ দিয়্যে নুয়ো “মুই” নুয়ো কাবড় ধোক্ক্যেন উরো। সত্যর্ নিদ্দুজিগান আর পবিত্রতালোই এই নুয়ো “মুই” গোজেন ধোক্ক্যেন গুরি বানা ওইয়্যে।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।