রোমীয় 8:13 - Chakma Bible

¹³ যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:13 ပူးပေါင်းရင်းမြစ်များ

ইয়োব 20:13

যুনিয়ো তে সিয়েনি ছাড়িবাত্তে ন-চেইনে মো ভিদিরে থোয় দে,

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 7:5

আমি যেক্কে পাপ খাচ্চ্যদর্ অধীনোত্ এলং সেক্কে আইন-কানুনানি আমা ভিদিরে পাপর্ কামনা-বাসনা জাগেই তুলিদো আর সেই কামনা-বাসনাগান্ আমা কিয়্যেগান ভিদিরে কাম্ গত্ত; সেনত্তে আমা জিংকানিগানি মরণত্যে ফলবান অদঅ।

রোমীয় 8:12

সেনত্তে ভেইলগ্, আমি কজ্জ তলাত্, মাত্তর্ সেই কজ্জগুন্ পাপ-খাচ্চ্যদ ইধু নয়। পাপ-খাচ্চ্যদর্ অধীন্ ওইনে আর আমার চলিবার্ দরকার্ নেই।

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,