রোমীয় 8:11 - Chakma Bible

¹¹ যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

রোমীয় 8:11 ပူးပေါင်းရင်းမြစ်များ

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

যিহিষ্কেল 37:14

মঅ আত্মাগান মুই তমা ভিদিরে দিম্ আর তুমি জেদা অবা। তমা নিজো দেজত্ মুই তমারে বজত্তি গোরেম্। সেক্কে তুমি হবর্ পেবাদে যে, মুই লগেপ্রভু এ কধাগান কোইয়োং আর সিয়েন গোজ্যং।’”

যোহন 14:17

সেই বল্ দিয়্যেবো সত্যর্ আত্মা। জগদ মানুচ্চুনে তারে মানি লোই ন-পারন্, কিয়া তারা তারে ন-দেগন্ আর তারে হবর্‌অ ন-পান্। মাত্তর্ তুমি তারে হবর্ পঅ, কিয়া তে তমা সমারে সমারে থায় আর তে তমা মনত্ বজত্তি গুরিবো।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

রোমীয় 16:10

খ্রীষ্টর মানুচ্‌ ইজেবে তারে চাগি চাহ্ ওইয়্যে।

রোমীয় 16:3

প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 16:7

তারা মঅ ধোক্ক্যেন যিহূদী আর মর্ সমারে তারায়ো জেলোত্ বন্দী এলাক্। প্রচারগ্‌কুনো ভিদিরে তারা ভারী সর্মানি মানুচ্। তারা মঅ আগেদি খ্রীষ্ট উগুরে বিশ্বেজ্ গোজ্জ্যন্।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

রোমীয় 6:12

ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:12

সেনত্তে ভেইলগ্, আমি কজ্জ তলাত্, মাত্তর্ সেই কজ্জগুন্ পাপ-খাচ্চ্যদ ইধু নয়। পাপ-খাচ্চ্যদর্ অধীন্ ওইনে আর আমার চলিবার্ দরকার্ নেই।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 15:16

কিয়া মরাগুনোরে যুনি জেদা গরা ন-অয় সালে খ্রীষ্টরেয়ো জেদা গরা ন-অয়।

১ করিন্হীয় 6:14

গোজেনে তা খেমতালোই যীশুরে মরণত্তুন্ জেদা গোজ্জ্যে আর তে আমারেয়ো জেদা গুরিবো।

২ করিন্হীয় 4:11

আমি যিগুনে বাঁজি আঘিই আমারে নিত্য যীশুত্যে মরণ আঢত্ তুলি দিয়্যে অর্, যেন আমার্ মরণর্ অধীন কিয়্যেত্ যীশুর জিংকানিগান্‌অ ফগদাং অয়।

২ করিন্হীয় 4:14

কিয়া আমি কোই পারিই, যিবে প্রভু যীশুরে জেদা গোজ্জ্যে তে তা সমারে আমারেয়ো জেদা গুরিবো আর তমা সমারে আমারেয়ো নিজো মুজুঙোত্ আঝির্ গুরিবো।

২ করিন্হীয় 5:4

ঘেচ্চ্যেকগুরি এ বল্‌পোজ্যে কিয়্যেগানত্ থানা অবস্থায় আমি কিয়্যে ভারে ব নিজেচ্‌ ফেলের্। আমি যে কিয়্যে নেইয়্যে অবাত্যে চেই সিয়েন নয়, বরং সেই নুয়ো কিয়্যেগানিলোই ঢাগিবাত্যে চেই, যেন আমার মরণর্ অধীন কিয়্যেগানি উমরত্যে জেদা থানা কিয়্যেগানি বুদুলি যায়।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।