রোমীয় 7:23 - Chakma Bible

²³ তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

রোমীয় 7:23 ပူးပေါင်းရင်းမြစ်များ

গীতসংহিতা 142:7

জেলোত্ থাইদ্যে ধোক্ক্যেন্ এ অবস্থাত্তুন্ তুই মরে উদ্ধোর গর্, যেনে মুই তরে বাঈনী গুরি পারং। গোজেনভক্ত মানুচ্চুনে হুজিয়ে মরে ঘিরি থেবাক্, কিত্তে তুই মরে ভালেদি গুরিবে।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 6:19

মান্‌জ্যর্ দুর্বলতার্ কারনে মুই কধানি মান্‌জ্যে যেবাবোত্যেগুরি বুঝিবাক্ সেবাবোত্যেগুরি কঙর্। আগে তুমি যেবাবোত্যে আরঅ বেশ্ গুরিনে অন্যেয় কাম্ গুরিবাত্তে নিজো কিয়্যেগানরে অপবিত্র আহ্ অন্যেয়র্ চাগর্ বানেয়ো, ঠিগ্ সেবাবোত্যেগুরি ইক্কিনে পবিত্রতালোই ভর্ পুনোং অবাত্তে তমা কিয়্যেগানরে ন্যায় কামর্ চাগর্ বানঅ।

রোমীয় 7:14

আমি হবর্ পেই রীদি-সুদোম আত্মিক, মাত্তর্ মুই পাপ-খাচ্চ্যদর্ অধীন বিলি পাপর্ চাগর্ ওইয়োং।

রোমীয় 7:21

সালে মুই নিজো ভিদিরে এক্কান সুদোমরে কাম্ গত্তে দেগঙর্। সেই সুদোমান্ অলঅ এই-যিয়েনি গম্ সিয়েনি যেক্কে মুই গুরিবাত্তে চাং সেক্কে ভান্ন্যেয়ান নিত্য ম ইধু থায়।

রোমীয় 7:25

আমা প্রভু যীশু খ্রীষ্টর্ মাধ্যমে মুই গোজেনরে ভালেদি জানাং যে, তে মরে রোক্ষ্যে গোজ্জ্যে। সালে দেগা যায় যে, মন ইন্দিত্তুন্ মুই গোজেন রীদি-সুদোমর্ চাগর্, মাত্তর্ পাপ-খাচ্চ্যদর্ ইন্দিত্তুন্ মুই পাপ সুদোমর্ চাগর্।

রোমীয় 7:5

আমি যেক্কে পাপ খাচ্চ্যদর্ অধীনোত্ এলং সেক্কে আইন-কানুনানি আমা ভিদিরে পাপর্ কামনা-বাসনা জাগেই তুলিদো আর সেই কামনা-বাসনাগান্ আমা কিয়্যেগান ভিদিরে কাম্ গত্ত; সেনত্তে আমা জিংকানিগানি মরণত্যে ফলবান অদঅ।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

যাকোব 4:1

তমা ভিদিরে কোল্-কোজ্যে আর মারামারি কুত্তুন্ এজে? যেদক্কানি কামনা-বাসনা তমা কিয়্যে ভিদিরে যুদ্ধো গরে সে ভিদিরেত্তুন্ কি সিয়েনি নিগিলি ন-এজে?

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,