রোমীয় 7:15 - Chakma Bible

¹⁵ মুই যে কি গরং সিয়েন মুই নিজেই ন-বুঝোং, কিয়া মুই যিয়েন গুরিবাত্তে চাং সিয়েন ন-গরং বরং যিয়েন ঘিনাং সিয়েনই গরং।

রোমীয় 7:15 ပူးပေါင်းရင်းမြစ်များ

১ রাজাবলী 8:46

তারা যেক্কে তঅ বিরুদ্ধে পাপ গুরিবাক্‌-অয় পাপ ন-গোজ্যে এধোক্কেন মানুচ্‌ নেই-আর তুই তারা উগুরে বেজার্‌ ওইনে শত্রুর্‌ আঢত্‌ তারারে তুলি দিবে আহ্‌ শত্রুগুনে তারারে বন্দী গুরিনে কায়-কুরে বা দূরোত্‌ তারার্‌ নিজোর্‌ দেজত্‌ নেযেবাক্‌,

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

গীতসংহিতা 119:104

তর্ সুদোমানিত্তুন্ মুই বিচেরবুদ্ধি পাং, সেনত্তে মুই বেক্ মিজে পধেন্দি যানাগান ঘিনাং।

গীতসংহিতা 119:113

দ্বিমনা মানুচ্চুনোরে মুই গম ন-পাং, মাত্তর্ তঅ উগুমানি মুই গম পাং।

গীতসংহিতা 119:128

তর্ বেক সুদোমানি মুই ঠিগ্ বিলিনে মনে গরং, আর বেক মিজে পধ্‌থানি মুই গম ন-পাং।

গীতসংহিতা 119:163

মিজেগানরে মুই ঘিনাং, জঘন্য মনে গরং, মাত্তর্ তঅ উগুমানি মুই গম পাং।

গীতসংহিতা 119:32

তর্ উগুমে মুই পধেন্দি দাবা যেম্, কিত্তে তুই মর্ মনান্ খুলি দুয়োচ্।

গীতসংহিতা 119:40

তর্ সুদোমানি পৌইদ্যেনে মর্ আওজ্ আঘে; তুই গম্ বিলিনে মরে নূয়ো গুরি খেমতা দে।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

গীতসংহিতা 97:10

যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

গম্ উপদেজ্ 13:5

গোজেন ভক্তগুনে মিজে কধানিরে ঘিনেন্, মাত্তর্ পাজি মানুচ্চুনে লাজত্ আর দুন্নামর ভাগি অন্।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

লূকে লেখ্যে গম্ হবর্ 11:48

সেনত্তে তমা পুরোণি মানুচ্চুনোর্ কামর্ সাক্ষী তুমি আর তারার্ সেই কামানি তুমি মানিয়ো নেজর্। এক কিত্তেদি তারা ভাববাদীগুনোরে খুন্ গোজ্যন্, অন্যকিত্তেদি তুমি সেই ভাববাদীগুনোর গোরানি বানেই রাগর্।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

রোমীয় 14:22

এ পৌইদ্যেনে তুই যিয়েন গম্ বিলিনে বিশ্বেজ্ গরচ্ সিয়েন গোজেন আর তঅ ভিদিরে থঅ। গম্ মনে গুরিনে কিজু গুরিবার সময় যুনি কারঅ বিবেকে তারে দুষি ন-গরে সালে তে বর্‌পেইয়্যে।

রোমীয় 7:16

যিয়েন ন-চাং সিয়েনই যেক্কে মুই গরং সেক্কে মুই ইয়েনই স্বীগের্ গরং যে, রীদি-সুদোম গম্।

গালাতীয় 5:17

পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 1:9

তুই ন্যায়ানরে কোচ্‌পেইয়োচ অার অন্যেয়ানরে ঈচ্ গরচ্; সেনত্যে গোজেন, তর্ গোজেন, তঅ সমাজ্জ্যেগুনোত্তুন্ বোউত্ বেশ্ হুজি তেল ধোক্ক্যেন গুরি তঅ উগুরে ঢালি দিয়্যে।”

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।