রোমীয় 7:14 - Chakma Bible

¹⁴ আমি হবর্ পেই রীদি-সুদোম আত্মিক, মাত্তর্ মুই পাপ-খাচ্চ্যদর্ অধীন বিলি পাপর্ চাগর্ ওইয়োং।

রোমীয় 7:14 ပူးပေါင်းရင်းမြစ်များ

পত্থম 37:27

সিবে দঅ আমা নিজো ভেই, আমার এক এড়া। সেনত্তে তারে আত্‌ ন-বাজেইনে বরং এজঅ, আমি তারে ইশ্মায়েলীগুনো ইধু বিজি দিই।” ভেইয়ুনে তা কধাগান্‌ মানিলাক্।

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

২ রাজাবলী 17:17

নিজোর্‌ ঝি-পুয়োগুনোরে তারা আগুনোত্‌ পুরিনে উৎসর্ব গুরিদাক্‌। তারা গোণেই দেনা আর লক্ষণ চেইনে আগাম্ কধা কবার্‌ অভ্যেস গুরিদাক্‌ আর লগেপ্রভুর চোগেন্দি যিয়েনি ভান্ন্যেই সে কামানি গুরিবাত্তে নিজোরে বিজি দিইনে লগেপ্রভুরে অখুজি গুরি তুল্যন্‌।

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

গীতসংহিতা 119:25

মুই ধূল্যেত্ লুদেই পোজ্যং; তর্ কধা মজিম্ মরে নুয়ো গুরি বল্ দে।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

যাত্রা 22:3

মাত্তর্‌ যুনি বেলান্‌ উদিবার পরেন্দি সিয়েন্‌ অয়্‌ সালে তে সেই খুনোত্তে দায়ী অবঅ‌। চুর্‌বোত্তুন্‌ চুর্‌ গোজ্যে জিনিচ্চানত্যেই‌ হামাক্কাই‌ ক্ষোতি পূরোণ্‌ দিয়্যে পুরিবো, মাত্তর্‌ যুনি তার্‌ কিচ্চু ন-থায়্‌ সালে নিজোরে বেজিনে সেই টেঙাগুন্‌ উজোল্‌ গুরি নেযা পুরিবো।

গম্ উপদেজ্ 30:2

ঘেচ্চেক্‌‌গুরি মুই মানুচ্ অলেয়ো মঅ বুদ্ধিগান য়েমান ধোক্ক্যেন্; মান্‌‌জ্যর যে বিচের বুদ্ধিগান আঘে সিয়েন্‌অ মর্ নেই।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিশাইয় 52:3

প্রভু লগেপ্রভু কত্তে, “তরে এনেবাদে বেজা ওইয়্যে আরঅ এনেবাদে উদ্ধোর্ গরা অবঅ।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

লেবীয় 13:12

মাত্তর্‌ যুনি লক্ষণান্‌ অন্য বাবোত্যে ওইনে রোগ্‌কান্‌ তার্‌ গোদা কিয়্যেনত্‌ ছিদি পড়ি থায়্‌ আর ধর্মগুরুবোর্‌ যেত্তমান্‌ চোগোত্‌ পড়ে সেক্কে যুনি মনে গড়ন্‌ রোগীবোর্‌ মাদাত্তুন্‌ ধুরি টেং সং গোদা কিয়্যেনত্‌ সিয়েন্‌ আঘে,

লেবীয় 13:16

সে পরেদি সেই কাজা ঘা-গানর্‌ অবস্থা বুদুলি যেইনে যুনি সিয়েন্‌ ধুব্‌ ওই যায় সালে তাত্তুন্‌ আরঅ‌ ধর্মগুরুগুনো ইদু যাহ্ পুুরিবো।

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 18:25

তা কজ্জ শুজিবার্ খেমতা ন-এলঅ। সেক্কে সে গিরোজ্‌সো উগুম গুরিলো যেন সে মানুচ্চোরে আর তা মোক্কোরে আহ্ পুয়ো-ঝিগুনোরে আর তার্ যিয়েনি আঘে বেক্কানি বিজিনে পাওনা উজোল্ গরা অয়।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মথি লেখ্যে গম্ হবর্ 5:28

মাত্তর্ মুই তমারে কঙর্, যে কনজনে কনঅ মিলে ইন্দি অন্য চোগেদি রিনি চায় তে সেক্কে মনে মনে তা সমারে সিনেলী গুরিলো।”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 7:6

সেক্কে যীশু তারা সমারে গেলঅ। তে সেই ঘর কায়কুরে লুমোনার্ পরেদি সেই সেনাপতিবো তা সমাজ্যেগুনোরে দিইনে কোই পাধেল, “প্রভু, আর্ দুঘ্ ন-গুরিচ্, কিয়া তুই যে মঅ ঘরত্ সোমেবে সিয়েনর্ যগাজ্যে মুই নয়।

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 7:18

মুই হবর্ পাং মইধু, অত্তাৎ মঅ পাপ স্বভাব ভিদিরে গম্ বিলি কিচ্চু নেই। যিয়েন্ ঘেচ্চেকগুরি গম্ সিয়েন গুরিবার্ আওজ্ মর্ আঘে মাত্তর্ খেমতা নেই।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।