রোমীয় 6:23 - Chakma Bible

²³ পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 6:23 ပူးပေါင်းရင်းမြစ်များ

পত্থম 2:17

মাত্তর্‌ গম্-ভান্ন্যেই-জ্ঞানর যে গাজ্‌চুয়ো আঘে সিবের্ গুলোগুন তুই হেই ন-পারিবে, কিত্তে যেদিন্যে তুই সে গুলোগুন হেবে সেদিন্যে ঘেচ্চেকগুরি তুই মুরি যেবে।

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

গম্ উপদেজ্ 11:19

যে গোজেন ভোক্তিলোই আঘে তে দোল্ জিংকানি পায়, মাত্তর্ যে ভান্ন্যেয়দি মনান্ দে তে নিজো মরণান ডাগি আনে।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিহিষ্কেল 18:20

যে পাপ গুরিবো তেয়ই মুরিবো। পুয়োবো বাব দুজোত্তে সাজা ন-পেবঅ। গম্ মানুচ্ তা গম্ কামর্ ফল পেবঅ আর পাজি মানুচ্ তার পাজিগানির ফল পেবঅ।

যিহিষ্কেল 18:4

জেদা বেক্ মানুচ্চুন মর্, বাপ্ আর পুয়ো দ্বিয়োবো মর্। যে পাপ গুরিবো তেয়ই মুরিবো।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 4:36

যে শোজ্য কাবে তে ইক্কিনে বেতন পার্ আর উমর্‌‌অ জিংকানিত্যে শোজ্য থুবেই রাগার্। সিয়েনত্যে যে বীজ্ সিদে আর যে শোজ্য কাবে, দ্বিজনে সং সং গুরি হুজী অন্।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 5:17

এক্কো মান্‌জ্যর্ পাপত্যে মরণান্ সেই একজনর্ মাধ্যমে রাজাগিরি গরানা আরাম্ভ গোজ্যে। মাত্তর্ যিগুনে জদবদে গোজেনত্তুন্ দোয়্যে আর নিদ্দুজি বিলি তার্ মনপুত অবার্ দান পান্, তারা সেই একজন মান্‌জ্যর, অত্তাৎ যীশু খ্রীষ্টলোই জিংকানির্ ভর্‌পুনোং ওইনে খামাক্কায় রাজাগিরি গুরিবাক্।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:38

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা,

রোমীয় 8:39

বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

রোমীয় 8:6

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

যাকোব 1:15

সে পরেদি কামনা পুরেলে পরেদি পাপর জর্ম অয়, আর পাপ বেশ্ অলে পরেদি মরণর্ জর্ম অয়।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”