রোমীয় 5:4 - Chakma Bible

⁴ ধৈয্যর্ ফল খাটি খাচ্চ্যত্ আর খাটি খাচ্চ্যদর্ ফল আশা।

রোমীয় 5:4 ပူးပေါင်းရင်းမြစ်များ

গীতসংহিতা 71:14

মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

লূকে লেখ্যে গম্ হবর্ 21:19

তুমি থির্ থেলে, তুমি নিজোরে উদ্ধোর্ গুরি পারিবা।

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

ফিলিপীয় 2:22

মাত্তর্ তুমি কোই পারঅ, তীমথিয় তার্ যোগ্যতাগান প্রমাণ গোজ্জ্যে, কিয়া যেধোক্ক্যেন গুরিনে পুয়োবো বাব সমারে কাম্ গরে সেধোক্ক্যেন গুরিনে তে মঅ সমারে যীশু খ্রীষ্ট পৌইদ্যেনে গম হবর্ প্রচারর্ কামত্ দুঘ্ গোজ্জ্যে ।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।