রোমীয় 5:21 - Chakma Bible

²¹ সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 5:21 ပူးပေါင်းရင်းမြစ်များ

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

রোমীয় 4:13

অব্রাহাম আর তা গুট্টিগুনো ইধু গোজেনে এগেম্ গোজ্জ্যেদে, এ পিত্‌থিমীগান্ অব্রাহামর্ অবঅ। রীদি-সুদোম পালানার্ কারনে এ এগেমান্ তা ইধু গরা ন-অয়, মাত্তর্ তার বিশ্বেজর্ মাধ্যমে তারে নিদ্দুজি বিলি মানি লুয়ো ওইয়্যে আর সেনত্তে সেই এগেমান্ গরা ওইয়্যে।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 5:14

তো আদম সময়ত্তুন্ ধুরি আরাম্ভ গুরিনে মোশি সময় সং বেক্কুনো উগুরে মরণানে রাজাগিরি গোজ্জ্যে। এমন্‌ কি, গোজেনর্ উগুম অমান্য গুরিনে যিগুনে আদম ধোক্ক্যেন্ পাপ ন-গরন্ তারা উগুরেয়ো মরণানে রাজাগিরি গোজ্জ্যে।

রোমীয় 5:17

এক্কো মান্‌জ্যর্ পাপত্যে মরণান্ সেই একজনর্ মাধ্যমে রাজাগিরি গরানা আরাম্ভ গোজ্যে। মাত্তর্ যিগুনে জদবদে গোজেনত্তুন্ দোয়্যে আর নিদ্দুজি বিলি তার্ মনপুত অবার্ দান পান্, তারা সেই একজন মান্‌জ্যর, অত্তাৎ যীশু খ্রীষ্টলোই জিংকানির্ ভর্‌পুনোং ওইনে খামাক্কায় রাজাগিরি গুরিবাক্।

রোমীয় 6:12

ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

রোমীয় 8:10

মাত্তর্ খ্রীষ্ট যুনি তমা মনত্ থায় সালে পাপত্যে তমা কিয়্যেগানি উগুরে মরণানে কাম গুরি থেলেয়ো তমা আত্মাগানি জেদা, কারন গোজেনে তমারে নিদ্দুজি বিলি মানি লোইয়্যে।

তীত 2:11

গোজেনর্ যে দোয়্যেলোই পাপত্তুন্ উদ্ধোর্ পাহ্ যায় সিয়েন বেক্‌ মানুচ্চুনো ইধু ফগদাং পেয়্যে।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।