রোমীয় 5:18 - Chakma Bible

¹⁸ সালে এক্কান্ পাপর মাধ্যমে যেবাবোত্যেগুরি বেক্ মানুচ্চুনোর সাজা পেবার্ যগাজ্যে বিলি ধরা ওইয়্যে, সেবাবোত্যেগুরি এক্কান গম্ কামর্ মাধ্যমে বেক্ মানুচ্চুনোরে নিদ্দুজি বিলি মানি লবার্ বেবস্থা গরা ওইয়্যে আর সিয়েনর্ ফল অলঅ উমর জিংকানি।

রোমীয় 5:18 ပူးပေါင်းရင်းမြစ်များ

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যোহন 1:7

তে পহ্‌র পৌইদ্যেনে সাক্ষী ইজেবে সাক্ষি দিবাত্যে এচ্চ্যে যেনে বেক্কুনে তা সাক্ষিগান্ শুনিনে বিশ্বেজ্ গুরি পারন্।

যোহন 12:32

মরে যেক্কে মাদিত্তুন্ অজলত্ তুলো অবঅ সেক্কে মুই বেক্কুনোরে মঅ কায়কুরে টানি আনিম্।”

যোহন 3:26

পরেদি তারা যোহন ইধু এইনে কলাক্, “মাষ্টরবাবু, যিবে যর্দনর্ উই পারত্ তঅ সমারে এলঅ আর যিবে পৌইদ্যেনে তুই সাক্ষ্য দুয়োচ্, চাহ্, তে বাপ্তিষ্ম দের্ আর বেক্কুনে তা ইধু যাদন্।”

প্রেরিত্‌ 13:39

তুমি মোশির রীতি-সুদোম্বোই পাপর্ সাজাত্তুন্ রেহাই ন-পঅ, মাত্তর্ যে কেঅ যীশু উগুরে বিশ্বেজ্ গরে তে পাপর্ সাজাত্তুন্ রেহাই পায়।

রোমীয় 3:25

গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্‌জ্যর্ আগ পাপর্ সাজা ন-দে তো তে নিদ্দুজি।

রোমীয় 4:25

আমা পাপত্যে যীশুরে মরণ আদত্ তুলি দিয়্যে ওইয়্যে আর আমারে নিদ্দুজি বিলিনে মানি লবাত্যে তারে মরণত্তুন্ জেদা গরা ওইয়্যে।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 5:15

মাত্তর্ আদম পাপ্পান্ যেবাবোত্যে, গোজেনর্ মাগানা দানান্ সেবাবোত্যে নয়। যেক্কে এক্কো মান্‌জ্যর্ পাপর্ কারনে ভালোক্কুন্ মান্‌জ্যে মুরিলাক্ সেক্কে গোজেনর্ দোয়্যেলোই আর এক্কো মান্‌জ্যর্ দোয়্যের্ মাধ্যমে যে দানান্ এলঅ, সিয়েন সেই ভালোক্কুন্ মান্‌জ্যত্তে আরঅ কত্তমান্ বেশ্ গুরি উগুরি পড়িলো! সেই আর একজন মানুচ্ অলঅ যীশু খ্রীষ্ট।

রোমীয় 5:19

যেধোক্ক্যেন্ এক্কো মান্‌জ্যর্ অবাধ্য অনার্ মাধ্যমে ভালোক্ জনরে পাপী বিলিনে ধরা ওইয়্যে, সেধোক্ক্যেন্ গুরি এক্কো মান্‌জ্যর্ বাধ্যতার মাধ্যমে ভালোক্ জনরে নিদ্দুজি বিলি মানি লুয়ো অবঅ।

রোমীয় 6:14

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

১ করিন্হীয় 15:22

আদম সমারে এগত্তর্ আঘন্ বিলিনে যেবাবোত্যেগুরি বেক্ মানুচ্চুন মুরি যান্, সেবাবোত্যেগুরি খ্রীষ্ট সমারে যিগুনে এগত্তর্ আঘন্ তারারে বেক্কুনোরে জেদা গরা অবঅ;

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

১ যোহন 2:20

মাত্তর্ তুমি সেই পবিত্র মানুচ্চোত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো আর তুমি বেক্কুনে সত্যগান হবর্ পেইয়ো।