রোমীয় 5:15 - Chakma Bible

¹⁵ মাত্তর্ আদম পাপ্পান্ যেবাবোত্যে, গোজেনর্ মাগানা দানান্ সেবাবোত্যে নয়। যেক্কে এক্কো মান্‌জ্যর্ পাপর্ কারনে ভালোক্কুন্ মান্‌জ্যে মুরিলাক্ সেক্কে গোজেনর্ দোয়্যেলোই আর এক্কো মান্‌জ্যর্ দোয়্যের্ মাধ্যমে যে দানান্ এলঅ, সিয়েন সেই ভালোক্কুন্ মান্‌জ্যত্তে আরঅ কত্তমান্ বেশ্ গুরি উগুরি পড়িলো! সেই আর একজন মানুচ্ অলঅ যীশু খ্রীষ্ট।

রোমীয় 5:15 ပူးပေါင်းရင်းမြစ်များ

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

প্রেরিত্‌ 15:11

আমি বিশ্বেজ্ গুরিই যে, প্রভু যীশুর্ দোয়্যেই অযিহূদী বিশ্বেজিগুনে যেবাবোত্যেগুরি পাপত্তুন্ উদ্ধোর্ পেইয়োন সেবাবোত্যেগুরি আমিয়ো উদ্ধোর্ পেইয়্যেই।”

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

২ করিন্হীয় 5:14

খ্রীষ্টর্ কোচ্‌পানাগানে আমারে পুচ্ মানিনে চালার্, কিয়া আমি ঘেচ্চ্যেকগুরি বুঝ্‌চেই যে, বেক্কুনোর্ ওইনে একজনে মুরিলো, আর সেনত্যে বেক্কুনে মুরিলাক্।

২ করিন্হীয় 9:15

যে দানর্ কধা ভাষালোই ফগদাং গরা ন-যায় গোজেনর্ সেই দানত্যে তার্ ভালেদি ওক্‌।

ইফিষীয় 2:8

গোজেনর্ দোয়্যেই বিশ্বেজর্ মাধ্যমে তুমি পাপত্তুন্ উদ্ধোর্ পেয়ো। ইয়েন তমার্ নিজোর্ মাধ্যমে ন-অয়, সিয়েন গোজেনর্ দান।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 5:11

সেই সাক্ষিগান ইয়েন, গোজেনে আমারে উমর্‌অ জিংকানি দিয়্যে আর সেই জিংকানিগান তা পুয়োবো ভিদিরে আঘে।