রোমীয় 5:14 - Chakma Bible

¹⁴ তো আদম সময়ত্তুন্ ধুরি আরাম্ভ গুরিনে মোশি সময় সং বেক্কুনো উগুরে মরণানে রাজাগিরি গোজ্জ্যে। এমন্‌ কি, গোজেনর্ উগুম অমান্য গুরিনে যিগুনে আদম ধোক্ক্যেন্ পাপ ন-গরন্ তারা উগুরেয়ো মরণানে রাজাগিরি গোজ্জ্যে।

রোমীয় 5:14 ပူးပေါင်းရင်းမြစ်များ

পত্থম 19:25

তে সে শঅর দ্বিয়েনত্‌, বেক্‌ সংজাগাগান, শঅরর্‌ বেক্‌ মানুচ্চুন্‌ আর সে ভুইয়ো উগুরে জোর্মেয়্যে বেক্কানি ভস্ত গুরি দিলো।

পত্থম 4:8

ইয়েন পরেদি একদিন্যে মাদত্‌ থেবার অক্তত্‌ কয়িনে তার ভেই হেবল লগে কধা কোইয়্যে, আহ্ সেক্কে তে হেবলরে আক্রমণ গুরিনে মারে ফেলেল।

পত্থম 7:22

শুগুনো মাদি উগুরে যিদুক্কুন প্রাণী থেদাক্‌, অত্তাৎ নিজেস্‌ ফেলেনে যিগুনে বাঁজি এলাক্‌ তারা বেক্কুন মুরি গেলাক্।

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

যাত্রা 1:6

পরেদি যোষেফ, তা ভেইয়ুন্‌ আর তারার্ সময়োত্‌ বেক্কুনে মুরি গেলাক্।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

রোমীয় 5:17

এক্কো মান্‌জ্যর্ পাপত্যে মরণান্ সেই একজনর্ মাধ্যমে রাজাগিরি গরানা আরাম্ভ গোজ্যে। মাত্তর্ যিগুনে জদবদে গোজেনত্তুন্ দোয়্যে আর নিদ্দুজি বিলি তার্ মনপুত অবার্ দান পান্, তারা সেই একজন মান্‌জ্যর, অত্তাৎ যীশু খ্রীষ্টলোই জিংকানির্ ভর্‌পুনোং ওইনে খামাক্কায় রাজাগিরি গুরিবাক্।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 8:20

কিয়া সৃট্টির্ উদ্দেশ্যগান্ বিফল ওই যেইয়্যে। খালিক্, নিজোর্ আয়োজে সিয়েন ন-অয়; গোজেনে তারে বিফলতার্ আঢত্ ইরি দিয়্যে। মাত্তর্ তা সমারে সমারে এ আজাগান দিয়্যেদে যে,

রোমীয় 8:22

আমি কোই পারিই, গোদা সৃট্টিগান্ যেন এক্কান জদবদে পো-ফুদোইদ্যে ধোক্ক্যেন সুলোনিয়ে ইক্কিনেও ওমা-হদা গরের্।

১ করিন্হীয় 15:22

আদম সমারে এগত্তর্ আঘন্ বিলিনে যেবাবোত্যেগুরি বেক্ মানুচ্চুন মুরি যান্, সেবাবোত্যেগুরি খ্রীষ্ট সমারে যিগুনে এগত্তর্ আঘন্ তারারে বেক্কুনোরে জেদা গরা অবঅ;

১ করিন্হীয় 15:45

পবিত্র বোইবোত্ এবাবোত্যে গুরি লেগা আঘে, “পত্তম মানুচ্‌ আদম জেদা প্রাণী অলঅ।” আর শেজ্ আদম জিংকানিদান গুরিয়্যে আত্মা অলঅ।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।