রোমীয় 4:20 - Chakma Bible

²⁰ গোজেনর্ এগেমান পৌইদ্যেনে তা মনত্ কনদিন্অ কনঅ সন্দেহ ন-এজে, বরং তে বিশ্বেজে আরঅ দরমর ওইনে গোজেনরে বাঈনি গুরিদো।

রোমীয় 4:20 ပူးပေါင်းရင်းမြစ်များ

পত্থম 15:6

অব্রাম লগেপ্রভুর কধা বিশ্বেজ্ গুরিলো আর লগেপ্রভু সেনত্তে তারে ধার্মিক্‌ ইজেবে মানি ললঅ।

২ রাজাবলী 7:19

জোবত্‌ সে কাম্‌গুরিয়্যেবো গোজেন মানুচ্চোরে কোইয়্যেদে, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” গোজেন মানুচ্চো কোইয়্যেদে, “তুই নিজের্‌ চোগে সিয়েন্‌ দেগিবে, মাত্তর্‌ সিয়েনি কিচ্ছু তুই হেই ন-পারিবে।”

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 7:9

ইফ্রয়িমর্ মাঢা শমরিয়াই বা কি, আর শমরিয়ার মাঢা রমলিয়র পুয়োবো বা কন্না? তমার্ বিশ্বেজে যুনি তুমি থির্ ওইনে ন-থাগ সালে তুমি কনবাবদে থিয়্যেই থেই ন-পারিবা।’ ”

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

দানিয়েল 11:32

যিগুনে পবিত্র সুদোম অমান্য গুরিবাক্ বাজে কধা কন্ তে তারারে ভান্ন্যেই পধেদি নেযেব, মাত্তর্ যে মানুচ্চুনে তারার্ গোজেনরে হবর্ পান তারা খুব দরমর গুরি তারে মানা গুরিবাক্।

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

সখরিয় 8:9

মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

মথি লেখ্যে গম্ হবর্ 9:8

মানুচ্চুনে এ ঘটনাগান্ দেগিনে দোরেলাক্, আর গোজেনে মান্‌জ্যরে এমন্ খেমতা দিয়্যে বিলিনে গোজেনরে বাঈনী গরা ধুরিলাক্।

লূকে লেখ্যে গম্ হবর্ 1:18

সেক্কে সখরিয় স্বর্গদূত্‌তোরে কলঅ, “কেধোক্ক্যেনগুরি মুই সিয়েন বুঝিম্? মুই দঅ বুড়ো ওই যেইয়োং আর মঅ মোক্কোর্ বয়জ্অ বোউত্ বেশ্ ওই যেইয়্যে।”

লূকে লেখ্যে গম্ হবর্ 1:45

তুই বর্‌পেইয়্যে, কিয়া তুই বিশ্বেজ্ গোজ্যস্, প্রভু তরে যিয়েন কোইয়্যে সিয়েন্ পূরোণ অবঅ।”

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।