রোমীয় 4:2 - Chakma Bible

² কামত্যে যুনি অব্রাহামরে নিদ্দুজি বিলি মানি নেযা অয় সালে দঅ তার্ দেমাগ্ গুরিবার কিজু আঘে। মাত্তর্ গোজেন মুজুঙোত্ তার্ দেমাগ্ গুরিবার কিচ্চু নেই।

রোমীয় 4:2 ပူးပေါင်းရင်းမြစ်များ

পত্থম 12:18

সেক্কে ফরৌণ অব্রামরে ডাগিনে কলঅ, “তুই মঅ লগে ইয়েন্‌ কেধোক্ক্যেন বেবহার গুরিলে? কিত্তে তুই তারে তর্‌ মোক্‌ ন-কোইনে বোন কোইয়োচ্‌? সেনত্তে দঅ মুই তারে মোক্‌ লবাত্তে আন্যং। ইবে যে তঅ মোক্‌; ইবেরে নিইনে তুই যাহ্।”

পত্থম 12:20

ইয়েন্‌ কোইনে ফরৌণে তা মানুচ্চুনোরে উগুম্‌ দিলো আর তারা অব্রামরে বেক্কানি দিইনে তারে আর তা মোক্কোরে বিদেয় দিলাক্।

যিহিষ্কেল 8:9

তে মরে কলঅ, “তুই ভিদিরে যেইনে তারা সিয়েনত্ যেদক্কানি ভান্ন্যেই আর জঘন্য কাম্ গোজ্যন সিয়েনি চঅ।”

রোমীয় 15:17

মুই গোজেনত্তে যে কামানি গরঙর্ সিয়েনি খ্রীষ্ট যীশুর্ মাধ্যমে মর্ বাঈনী গুরিবার অধিকার আঘে।

১ করিন্হীয় 1:29

তে সিয়েনি বেক্কানি বেঈ লোইয়্যে যেন তা মুজুঙোত্ কনঅ মানুচ্ বাড়্ গুরি ন-পারন্।

১ করিন্হীয় 1:31

ইয়েনত্তে পবিত্র বোইবোর্ কধা মজিম, “যে দেমাগ্ গরে তে প্রভুরে নিইনে দেমাগ্ গোরোক্।”

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

২ করিন্হীয় 11:30

যুনি মত্তুন্ বাড়্ গরা পরে সালে মুই মর্ বল্-পোজ্জ্যেগান্দোই বাড়্ গুরিম।

২ করিন্হীয় 5:12

ইয়েন্দোই খালিক্ আমি তমা ইধু আরঅ নিজোরে নাঙ্ ন-গিনির্ বরং আমারে নিইনে তমার্ দেমাগ্ দেগেবার কারণ দেগের্, যেন মনান্ ন-দেগিনে যিগুনে বারেদি চেঙেরাগান্ দেগিনে দেমাগ্ দেগান্ তারারে তুমি এক্কান্ জোব্ দি পারঅ।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

ইফিষীয় 2:9

ইয়েন কামর্ ফল ইজেবে দিয়্যে ন-অয়, যেন কেঅ দেমাগ্ গুরি ন-পারন্।

যিহোশূয় 24:2

যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।