রোমীয় 4:18 - Chakma Bible

¹⁸ যেক্কে বাপ্ অবার্ কনঅ আজা ন-এলঅ সেক্কেয়ো অব্রাহামে গোজেন উগুরে আজা গুরিনে বিশ্বেজ্ গোজ্জ্যে। গোজেনে তারে কোইয়্যেদে, “তর্ গুট্টিগুনে আগাজ তারা ধোক্ক্যেন গুণি ন-পুরেইয়্যে অবাক্।” আর সেই কধামজিম অব্রাহামে ভালোক্ জাদর্ বাপ্ ওইয়্যে।

রোমীয় 4:18 ပူးပေါင်းရင်းမြစ်များ

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

লূকে লেখ্যে গম্ হবর্ 1:18

সেক্কে সখরিয় স্বর্গদূত্‌তোরে কলঅ, “কেধোক্ক্যেনগুরি মুই সিয়েন বুঝিম্? মুই দঅ বুড়ো ওই যেইয়োং আর মঅ মোক্কোর্ বয়জ্অ বোউত্ বেশ্ ওই যেইয়্যে।”

প্রেরিত্‌ 27:25

ইয়েনত্যে তুমি মনত্ সাহচ্‌ রাগঅ। গোজেন উগুরে মর্ এ বিশ্বেজ্‌‌চান আঘে, তে মরে যিয়েন কোইয়্যে সিয়েন-ই অবঅ।

রোমীয় 4:17

পবিত্র বোইবোত্ যেবাবোত্যে লেগা আঘে, “মুই তরে ভালোক্ জাদর্ পূরোণিবাপ বানেয়োং,” সেই মজিম্ গোজেন চোগেদি অব্রাহামে আমার্ বেক্কুনোর্ বাপ্। যিবে মরা মান্‌জ্যরে জিংকানি দে আর যিয়েন নেই সিয়েন আঘে বিলিনে ফগদাং গরে সেই গোজেনরে অব্রাহামে বিশ্বেজ্ গোজ্জ্যে।

রোমীয় 4:19

যুনিয়ো প্রায় একশত্ বজরর্ বুড়ো অব্রাহামে বুঝি পাজ্জ্যেদে যে, তা কিয়্যেগান্ অকেজো ওই যেইয়্যে আর সারার্‌অ পুয়ো-ছা অবার্ বয়জ্ আর নেই, তো অব্রাহামর্ বিশ্বেজ্‌চান মন্ মরা ন-এলঅ।

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।

রোমীয় 8:24

পাপত্তুন্ উদ্ধোর্ পেইনে আমি এ আজাগান পেইয়্যেই। আমি যিয়েনত্যে আজা গুরিই আঘি যুনি সিয়েন্ পেই যেই-গোই সালে দঅ সেই আজাগান্ আর আজা ন-থেলঅ। যিয়েন্ পেইয়্যেই সিয়েনত্যে কন্না আজা গুরি থায়?

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।