রোমীয় 3:31 - Chakma Bible

³¹ এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 3:31 ပူးပေါင်းရင်းမြစ်များ

গীতসংহিতা 119:126

ও লগেপ্রভু, ইক্কিনে তর্ কামত্ লামিবার সময় ওইয়্যে; মান্‌জ্যে দঅ তঅ উগুমান্ অমান্য গোজ্যন্।

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

মথি লেখ্যে গম্ হবর্ 15:6

সালে মা-বাবরে তার আর সর্মান গুরিবার দরকার্ নেই। তমার্ এই বেক্ নিজো সুদোমানিত্তে তুমি গোজেন কধানি বাদ্ দুয়ো।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

মথি লেখ্যে গম্ হবর্ 5:17

এ কধাগান মনে ন-গোজ্য, মুই মোশির্ রীদি-সুদোম আর ভাববাদীগুনোর্ লেগা বাদ্ দিবাত্তে এচ্চ্যং। মুই সিয়েনি বাদ্ দিবাত্তে ন-এজং মাত্তর্ পূরোণ্ গুরিবাত্তে এচ্চ্যং।

মথি লেখ্যে গম্ হবর্ 5:20

মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

লূকে লেখ্যে গম্ হবর্ 20:16

তে এইনে তারারে মারে ফেলেব আর খেদ্‌‌‌‌তান অন্যগুনো আঢত্ দিবো।” যেক্কেনে মানুচ্চুনে এ কধাগান্ শুনিলাক্, সেক্কেনে কলাক্, “এবাবোত্যে ন-ওক্।”

রোমীয় 10:4

যীশু খ্রীষ্ট রীদি-সুদোম পুরেই দিইনে সিয়েনির্ খেমতাগান্ বাদ্ দি দিয়্যে, যেন তা উগুরে যিগুনে বিশ্বেজ্ গরন্ তারা গোজেনর্ মানি লোইয়্যে অন্।

রোমীয় 2:20

তর্ ধারনা, যিগুনে বুদ্ধি-নেইয়্যে আর যিগুনে রীদি-সুদোম পৌইদ্যেনে শিক্ষ্যে ন-পান্ তুই তারারে শিক্ষ্যে দি থাচ্। রীদি-সুদোম ভিদিরে জ্ঞান আর সত্য আঘে বিলিনে তর্ এ ধারনাগান্ আঘে।

রোমীয় 3:4

খামাক্কায় নয়। বেক্‌ মানুচ্চুন মিজে মাদিলেয়ো গোজেনে নিত্য সত্যবাদী। পবিত্র বোইবোত্ লেগা আঘে, “সেনত্তে তর্ রাইয়ান্ ঠিগ্, তঅ বিচেরান্ দোল্।”

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

রোমীয় 4:14

রীদি-সুদোম পালেইনে যুনি কেঅ পিত্‌থিমীগানর্ অধিকার্ পেই যায় সালে দঅ বিশ্বেজ্‌চান অকেজো ওই পড়িবো আর গোজেনর্ সেই এগেমান্অ কনঅ মূল্য ন-থায়,

রোমীয় 7:22

মঅ মনানে গোজেনর্ রীতি-সুদোমে হুজি অয়;

রোমীয় 7:25

আমা প্রভু যীশু খ্রীষ্টর্ মাধ্যমে মুই গোজেনরে ভালেদি জানাং যে, তে মরে রোক্ষ্যে গোজ্জ্যে। সালে দেগা যায় যে, মন ইন্দিত্তুন্ মুই গোজেন রীদি-সুদোমর্ চাগর্, মাত্তর্ পাপ-খাচ্চ্যদর্ ইন্দিত্তুন্ মুই পাপ সুদোমর্ চাগর্।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

১ করিন্হীয় 9:21

আরঅ আইন-কানুনো বারেদি যিগুনে আঘন্ তারারে জিদিবাত্তে মুই আইন-কানুনো বারেদি থেইয়্যে মান্‌জ্য ধোক্ক্যেন ওইয়োং। খালিক্ ইয়েনর্ মানে ইয়েন নয় যে, মুই গোজেনর্ দিয়্যে আইন-কানুনো বারেদি আঘং; মুই দঅ খ্রীষ্টর্ আইনোর্ অধীনোত্ আঘং।

গালাতীয় 2:19

রীতি-সুদোম দাবি-দাওয়া ইধু রীতি-সুদোম্বোই মর্ মরণ ওইয়্যে যেন মুই গোজেনত্যে বাঁজি থেই পারং।

গালাতীয় 2:21

গোজেনর্ এই দোয়্যেগানরে মুই বাদ্ ন-দিম, কিয়া মানুচ্ যুনি রীতি-সুদোম্ পালানার্ মাধ্যমে গোজেনর্ মানি লোইয়্যে ওই পারে সালে খ্রীষ্ট মিজে মিজেই মোজ্জ্যে।”