রোমীয় 3:28 - Chakma Bible

²⁸ কিত্যে আমি কোই পারিই, গোজেনে মান্‌জ্যরে তার্ বিশ্বেজর্ কারনে নিদ্দুজি বিলি মানি লোইয়্যে, রীদি-সুদোম পালন গুরিবাত্তে নয়।

রোমীয় 3:28 ပူးပေါင်းရင်းမြစ်များ

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

রোমীয় 3:26

তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।

রোমীয় 4:5

মাত্তর্ যে নিজো চেট্ট্যা উগুরে নির্ভর ন-গুরিনে বানা গোজেন উগুরে বিশ্বেজ্ গরে গোজেনে তার্ সেই বিশ্বেজত্তে তারে নিদ্দুজি বিলি মানিবো, কিত্যে তেয়ই পাপীগুনোরে নিদ্দুজি বিলি মানি লোই পারে।

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 3:24

সালে দেগা যায়, খ্রীষ্ট ইধু আনিবাত্যে এই রীতি-সুদোমানি আমার পরিচালনাগুরিয়্যে, যেন বিশ্বেজর্ মাধ্যমে আমারে নিদ্দুজি বিলিনে মানি লুয়ো অয়।

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

ইফিষীয় 2:9

ইয়েন কামর্ ফল ইজেবে দিয়্যে ন-অয়, যেন কেঅ দেমাগ্ গুরি ন-পারন্।

তীত 3:7

যেন আমি উমর জিংকানির্ আশ্বাস্ পেইনে গোজেনর্ বেক্কানির্ অধিকারী ওই। ইয়েন সম্ভব ওইয়্যেদে, কিয়া গোজেনর্ দোয়্যের্ মাধ্যমে আমারে নিদ্দুজি বিলি মানি লুয়ো ওইয়্যে।

যাকোব 2:18

অয়ত কেঅ কোই পারন্, “তর্ আঘে বিশ্বেজ্ আর মর্ আঘে সৎ কাম।” বেশ্, গম কধা। কাম ন-গোজ্জ্যে বাদে তর্ বিশ্বেজ্‌চান মরে দেগা আর মুই কামান্দোই মর্ বিশ্বেজ্‌চান তরে দেগেম্।

যাকোব 2:20

হায় ভুলো! কাম্ বাদে বিশ্বেজ্‌চান যে ফল-নেইয়্যে সিয়েনর প্রমাণান্ কি তুই চাজ্?

যাকোব 2:24

সালে তুমি দেগর্, বানা বিশ্বেজ্‌চোই যে গোজেনে মান্‌জ্যরে নিদ্দুজি বিলিনে মানি লয় সিয়েন নয়, মাত্তর্ বিশ্বেজ্ আর কাম এ দ্বিয়েনত্যে গোজেনে মান্‌জ্যরে নিদ্দুজি বিলিনে মানি লয়।