রোমীয় 3:27 - Chakma Bible

²⁷ ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

রোমীয় 3:27 ပူးပေါင်းရင်းမြစ်များ

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 10:5

রীতি-সুদোম পালেইনে গোজেনর্ যগাজ্জ্যে অনা পৌইদ্যেনে মোশি লেখ্যেদে, “যে মানুচ্চো রীতি-সুদোম্ মজিম আঢে তে সিয়েনর্ মাধ্যমে জিংকানি পেবঅ”

রোমীয় 11:6

গোজেনে যুনি দোয়্যে গুরিনে বেঈ রাগায় সালে দঅ সিয়েন কনঅ কামর্ ফল নয়। যুনি সিয়েন অদঅ সালে দোয়্যে আর দোয়্যে ন-থেদঅ।

রোমীয় 2:17

তুই নিজোরে যিহূদী কোই থাচ্, নয়-নে? তুই মোশির রীদি-সুদোম উগুরে বিশ্বেজ্ গরচ্ আর নিজে গোজেনর্ মানুচ্‌ বিলিনে দেমাগ্ দেগেই থাচ্।

রোমীয় 2:23

রীদি-সুদোম্বোই তুই দেমাগ্ গরচ্, মাত্তর্ তুই নিজেই কি রীদি-সুদোম ন-মানিনেই গোজেনরে অসর্মান ন-গরর্?

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 3:26

তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।

রোমীয় 4:2

কামত্যে যুনি অব্রাহামরে নিদ্দুজি বিলি মানি নেযা অয় সালে দঅ তার্ দেমাগ্ গুরিবার কিজু আঘে। মাত্তর্ গোজেন মুজুঙোত্ তার্ দেমাগ্ গুরিবার কিচ্চু নেই।

রোমীয় 7:21

সালে মুই নিজো ভিদিরে এক্কান সুদোমরে কাম্ গত্তে দেগঙর্। সেই সুদোমান্ অলঅ এই-যিয়েনি গম্ সিয়েনি যেক্কে মুই গুরিবাত্তে চাং সেক্কে ভান্ন্যেয়ান নিত্য ম ইধু থায়।

রোমীয় 7:23

তো মুই দেগঙত্তে, এক্কান যুদো সুদোম মঅ কিয়্যে ভিদিরে কাম্ গরের্। যিয়েন গম্ মঅ মনানে সিয়েন গম্ বিলিনে মানি লয়, মাত্তর্ এই যুদো সুদোমান্ মঅ মন বিরুদ্ধে যুদ্ধো গরের্ আর মরে বন্দী গুরি রাগেয়্যে। মঅ ভিদিরে যে পাপ্পান্ আঘে এ সুদোমান্ তার্।

রোমীয় 7:25

আমা প্রভু যীশু খ্রীষ্টর্ মাধ্যমে মুই গোজেনরে ভালেদি জানাং যে, তে মরে রোক্ষ্যে গোজ্জ্যে। সালে দেগা যায় যে, মন ইন্দিত্তুন্ মুই গোজেন রীদি-সুদোমর্ চাগর্, মাত্তর্ পাপ-খাচ্চ্যদর্ ইন্দিত্তুন্ মুই পাপ সুদোমর্ চাগর্।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

রোমীয় 9:11

সেই মরদ্‌তো আমার পূরোণি মানুচ্ ইস্‌হাকে এলঅ। সেই পুয়ো দ্বিবের্ জর্মর্ আগেদি যেক্কে তারা গম্ বা ভান্ন্যেই কিচ্চু ন-গরন্ গোজেনে সেক্কে রিবিকারে কোইয়্যে, “দাঙর্‌বো চিগোন্নোর্ চাগর্ অবঅ।” ইয়েন্দোই গোজেনে দেগেয়্যেদে যে, নিজো উদ্দেশ্যগান্ পূরোণ গুরিবাত্তে তেয়ই বেঈ লয়; কনঅ কামর্ ফলে তে সিয়েন ন-গরে বরং তা আওজ্ মজিম তে মান্‌জ্যরে ডাগে।

রোমীয় 9:31

মাত্তর্ ইস্রায়েলীয়গুনে রীদি-সুদোম পালানার্ মাধ্যমে গোজেনর্ যগাজ্যে অবার্ চেট্ট্যা গোজ্জ্যন্, মাত্তর্ তারা সিয়েন ওই ন-পারন্।

রোমীয় 9:32

কিত্ত্যেই ন-পারন্? কিয়া তারা বিশ্বেজ্ উগুরে নির্ভর ন-গুরিনে কাম উগুরে নির্ভর গোজ্জ্যন্। যে শিল্লোত্ মান্‌জ্যে উজোট্ খান্ এ সিবেত্ তারা উজোট্ খেইয়োন্।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।