রোমীয় 3:26 - Chakma Bible

²⁶ তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।

রোমীয় 3:26 ပူးပေါင်းရင်းမြစ်များ

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

সফনিয় 3:15

লগেপ্রভু তঅ সাজাগান দূর্ গুরি দিয়্যে, তে তর্ শত্রুগুনোরে ধাবেই দিয়্যে। ইস্রায়েলর রাজা লগেপ্রভু তঅ ভিদিরে আঘে; তুই আর কনদিন্‌অ অমংগলত্তে ন-দোরেবে।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

রোমীয় 3:25

গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্‌জ্যর্ আগ পাপর্ সাজা ন-দে তো তে নিদ্দুজি।

রোমীয় 3:27

ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

রোমীয় 3:30

কিত্যে গোজেনে দঅ বানা একজন। তে যিহূদীগুনোরে যেবাবোত্যেগুরি বিশ্বেজর্ মাধ্যমে নিদ্দুজি বিলি মানি লবঅ সেবাবোত্যেগুরি অযিহূদীগুনোরেয়ো মানি লবঅ।

রোমীয় 4:5

মাত্তর্ যে নিজো চেট্ট্যা উগুরে নির্ভর ন-গুরিনে বানা গোজেন উগুরে বিশ্বেজ্ গরে গোজেনে তার্ সেই বিশ্বেজত্তে তারে নিদ্দুজি বিলি মানিবো, কিত্যে তেয়ই পাপীগুনোরে নিদ্দুজি বিলি মানি লোই পারে।

রোমীয় 8:33

গোজেনে যিগুনোরে বেঈ লোইয়্যে কন্না তারা বিরুদ্ধে নালিচ্‌ গুরিবো? গোজেনে নিজেই দঅ তারারে নিদ্দুজি বিলিনে মানি লোইয়্যে।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!