রোমীয় 2:24 - Chakma Bible

²⁴ পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”

রোমীয় 2:24 ပူးပေါင်းရင်းမြစ်များ

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

যিশাইয় 52:5

আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।

যিহিষ্কেল 20:27

“সেনত্তে ও মান্‌‌জ্যর পুয়োবো, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ‘তমা পুরোণি মানুচ্চুনে অবিশ্বেজর্ কাম গুরিনে মরে অগমান গোজ্যন্।

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

১ তীমথিয় 6:1

যে চাগরুনোর্ জদবদে কাম্ গরা পড়ে তারা বেক্কুনে তারার্ গিরোজ্‌চুনোত্তুন্ সর্মান পেবার যগাজ্জ্যে বিলি মনে গোরোক্, যেন কেঅ গোজেন নাঙর্ আর আমা শিক্ষ্যেনির্ নিন্দে গুরি ন-পারন্।

তীত 2:5

নিজোরে দোঙেই রাগান, পবিত্র থান্, সংসার ইন্দি খিয়েল্ গরন, দোয়্যেলু অন্ আর নেগ অধীনোত্ থান্, যেনে কেঅ গোজেনর্ কধা অসর্মান গুরি ন-পারন্।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।