রোমীয় 2:20 - Chakma Bible

²⁰ তর্ ধারনা, যিগুনে বুদ্ধি-নেইয়্যে আর যিগুনে রীদি-সুদোম পৌইদ্যেনে শিক্ষ্যে ন-পান্ তুই তারারে শিক্ষ্যে দি থাচ্। রীদি-সুদোম ভিদিরে জ্ঞান আর সত্য আঘে বিলিনে তর্ এ ধারনাগান্ আঘে।

রোমীয় 2:20 ပူးပေါင်းရင်းမြစ်များ

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

রোমীয় 2:19

তুই মনে গরচ্ তুই কান্ মানুচ্চুনোরে পধ্ দেগর্। তুই পারা পাচ্, যিগুনে আন্ধারত্ আঘন্ তারা ইধু তুই পহ্‌র ধোক্ক্যেন্।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

১ করিন্হীয় 3:1

ভেইলগ্, যিগুনে আধ্যাতিক্ সেবাবোত্যে মানুচ্চুনো ইধু যেবাবোত্যে গুরি কধা কনা উচিত, মুই তমা ইধু সেবাবোত্যেগুরি কধা কোই ন-পারং, বরং যিগুনে পাপ-স্বভাবর্ অধীনোত্ আঘন্ তারা ইধু যেবাবোত্যেগুরি কধা কনা উচিত, সেবাবোত্যেগুরি তমা ইধু কোইয়োং। খ্রীষ্টিয় জিংকানিত্ তুমি দঅ এক্কুবারে চিগোন্ গুরো ধোক্ক্যেন, সেনত্তে তমা ইধু সেবাবোত্যেগুরি কধা কোইয়োং।

২ তীমথিয় 1:13

তুই মত্তুন্ যিয়েনি শুন্ন্যচ্ সে সত্য শিক্ষ্যেগানি তর্ আদর্শ ইজেবে ধুরি থঅ; আর খ্রীষ্ট যীশু লগে মিজেনার ফলে আমা মনত্ যে কোচ্‌পানা আর বিশ্বেজ্ ওইয়্যে সিয়েন্অ ধুরি রাগা।

২ তীমথিয় 3:5

বারেদি চেঙারাগান দেগিনে মনে অবঅ যেন গোজেনরে তারা কত্তমান ভোক্তি গরন, মাত্তর্ আজলে গোজেন ভোক্তির্ খেমতাগানরে তারা অস্বিগের্ গরন্। এবাবোত্যে মানুচ্চুনোত্তুন্ দূরোত্ থেইস্।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

ইব্রীয় 5:13

যে দুধ হেইনে বাজে তে দঅ ইক্কিনিয়ো চিগোন চিজি, আর গম্ জিংকানি পৌইদ্যেনে যে শিক্ষ্যেগান আঘে সিয়েনত্ তে যগাজ্জ্যে নয়।

যাকোব 3:1

মর্ ভেইয়ুন্, তমাত্তুন্ বেক্কুনে মাষ্টর অবাত্যে ন-যেয়ো, কিয়া তুমি দঅ কোই পারঅ, আমি মাষ্টর্ বিলিনে অন্যগুনোত্তুন্ আমারে আরঅ দরমর গুরি বিচের্ গরা অবঅ।

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।