রোমীয় 2:16 - Chakma Bible

¹⁶ গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

রোমীয় 2:16 ပူးပေါင်းရင်းမြစ်များ

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

গীতসংহিতা 50:6

আগাজ্‌ছানে তার্ ন্যায়বিচেরর্ কধা ফগদাং গরের্, কিত্যে গোজেনে নিজেই বিচেরক্।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

উপদেশক 11:9

ও গাবুজ্যে, তঅ গাবুজ্যে জিংকানিত্ তুই সুগি অ, গাবুজ্যে বয়জর্ দিনুনোত্ তঅ মনানে তরে হুজিয়ে রাগোক্। তঅ মনানর্ আওজ্ মজিম্ পধেদি যাহ্ আর তঅ চোগেদি যিয়েন্ গম্ লাগে সিয়েনই গর্, মাত্তর্ মনত্ রাগেচ্, এ বেক্ কামানিত্তে গোজেনে তঅ বিচের্ গুরিবো।

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

উপদেশক 3:17

মুই মনে মনে কলুং, “গোজেনে গম্ আর পাজি এ দ্বিজনরে বিচের্ গুরিবো, কিত্তে গোজেন ইদু বেক্ বেপারানি আর বেক্ কামানির্ এক্কান ঠিগ্ সময় আঘে।”

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

লূকে লেখ্যে গম্ হবর্ 8:17

এমন কিজু লুগেয়্যে নেই যিয়েনি ফগদাং ন-অবঅ, বা এমন কিজু গুমরত্ নেই যিয়েনি হবর্ পাহ্ ন-যেবঅ বা ফগদাং ন-অবঅ।

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

প্রেরিত্‌ 10:42

তে আমারে উগুম দিয়্যে যেন আমি যিহূদীগুনো ইধু ফগদাং গুরিই আর সাক্ষি দিই যে, গোজেনে তারে জেদা গোজ্জ্যে আর মরাগুনোর্ বিচেরগুরিয়্যে ইজেবে বেঈ লোইয়্যে।

প্রেরিত্‌ 17:31

কিয়া তে এমন্‌ এক্কো দিন ঠিগ্ গোজ্যে যেদিন্ন্যে তার্ বেঈ লোইয়্যে মানুচ্চোলোই তে গমেডালে মান্‌জ্যর্ বিচের্ গুরিবো। তে সেই মানুচ্চোরে মরণত্তুন্ জেদা গুরি তুলিনে বেক্ মানুচ্চুনো ইধু ইয়েনর্ প্রমাণ্ দিয়্যে।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

১ করিন্হীয় 15:1

ভেইলগ্, যে গম্ হবরান্ মুই তমা ইধু ফগদাং গোজ্জ্যং, সেই গম্ হবরানর্ কধাগান তমারে ইদোত্ তুলি দোঙর্। তুমি সিয়েন মানি লোইয়ো আর সিয়েনত্ থির্‌অ আঘঅ।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

গালাতীয় 1:11

ভেইলগ্, মুই তমারে জানাঙর্, মুই যে গম হবরান্ প্রচার গোজ্জ্যং সিয়েন কনঅ মান্‌জ্যর বানেইয়্যে কধা নয়।

১ তীমথিয় 1:11

বাঈনী গরেদে গোজেনর্ দাঙর্ গম্ হবর্ মজিম যে শিক্ষ্যে, সেই শিক্ষ্যেগানই অলঅ সত্য শিক্ষ্যে। এ গম্ হবর্ প্রচারর্ ভারান্ তে মঅ উগুরে দিয়্যে।

২ তীমথিয় 2:8

যীশু খ্রীষ্ট পৌইদ্যেনে এ কধাগান মনত্ রাগেচ্, তারে মরাত্তুন্ জেদা গুরি তুলো ওইয়্যে আর তে দায়ুদো গুট্টির্ মানুচ্‌ এলঅ। যে গম হবরান মুই প্রচার গরং সিয়েন ভিদিরে এ কধাগান আঘে,

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।

১ পিতর 4:5

মাত্তর্ যিবে জেদা আর মরা বেক্কুনোর্ বিচের্ গুরিবাত্যে যুক্কোল্ ওই আঘে তাইধু তারার্ ইজেব দিয়্যে পড়িবো।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।