রোমীয় 2:14 - Chakma Bible

¹⁴ অযিহূদীগুনে মোশির রীদি-সুদোম ন-পান্, মাত্তর্ তো তারা যেক্কে নিজোত্তুন্ রীদি-সুদোম মজিম কাম্ গরন্ সেক্কে রীদি-সুদোম ন-পেইনেয়ো তারা নিজেই নিজোর্ রীদি-সুদোম অন্।

রোমীয় 2:14 ပူးပေါင်းရင်းမြစ်များ

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 2:12

মোশির রীদি-সুদোমর্ বারেদি থেইনে যিগুনে পাপ্ গরন্ তারা রীদি-সুদোম বাদে ভস্ত অবাক্। মাত্তর্ যিগুনে রীদি-সুদোম ভিদিরে থেইনে পাপ্ গরন্ তারার্ বিচের্ রীদি-সুদোমবোই অবঅ।

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?

১ করিন্হীয় 11:14

স্বাভাবিক বুদ্ধিলোই কি ইয়েন বুঝো ন-যায় যে, মরদে যুনি লাম্বা চুল থয় সালে সিয়েনত্যে তার অসর্মান অয়,

১ করিন্হীয় 9:21

আরঅ আইন-কানুনো বারেদি যিগুনে আঘন্ তারারে জিদিবাত্তে মুই আইন-কানুনো বারেদি থেইয়্যে মান্‌জ্য ধোক্ক্যেন ওইয়োং। খালিক্ ইয়েনর্ মানে ইয়েন নয় যে, মুই গোজেনর্ দিয়্যে আইন-কানুনো বারেদি আঘং; মুই দঅ খ্রীষ্টর্ আইনোর্ অধীনোত্ আঘং।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

দ্বি’লম্বর বিররণ 4:7

এধোক্ক্যেন আর কনঅ দাঙর্‌ জাদ আগন্‌ যিগুনোর্‌ দেব-দেবেদাগুনে তারার্‌ ইদু থান, যেধোক্ক্যেন গুরি আমা গোজেন লগেপ্রভুরে ডাগিলে তারে কায়-কুরে পাহ্ যায়?

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।