রোমীয় 16:27 - Chakma Bible

²⁷ তে বানা এক্কো গোজেন, তেয়ই জ্ঞানী। যীশু খ্রীষ্টর্ মাধ্যমে উমরত্তে তার্ বাঈনী ওক্। আমেন।

রোমীয় 16:27 ပူးပေါင်းရင်းမြစ်များ

গীতসংহিতা 147:5

আমা গোজেনে দাঙর্, তার খেমতা বজমান্; তা জ্ঞান-বুদ্ধির শেজ্ নেইয়্যে।

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

ইফিষীয় 3:10

তে সিয়েন গোজ্জ্যেদে যেন খ্রীষ্টর্ মন্ডলীর মাধ্যমে স্বর্গর্ বেক্‌ শাসনগুরিয়্যে আর খেমতার্ অধিকারিগুনো ইধু নানান্ বাবদে ফগদাং পেইয়্যে গোজেনর্ জ্ঞান ইক্কিনে ফগদাং পায়।

ফিলিপীয় 4:20

যুগ যুগ ধুরিনে উমরত্যে আমা বাবা গোজেনর্ বাঈনী ওক্‌। আমেন।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।