রোমীয় 16:25 - Chakma Bible

²⁵ যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

রোমীয় 16:25 ပူးပေါင်းရင်းမြစ်များ

গীতসংহিতা 78:2

মুই উপমা দিইনে কধানি ভাঙি কোম্; মুই পুরণ দিনো হবর্ ন-পেইয়্যে কধানি কোম।

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

মথি লেখ্যে গম্ হবর্ 13:17

মুই তমারে ঘেচ্চেকগুরি কঙর্, তুমি যিয়েনি যিয়েনি দেগর্ সিয়েনি বোউত্ ভাববাদী আর গোজেনভক্ত মানুচ্চুনে দেগিবাত্তে চেইনেয়ো ন-দেগন্, আর তুমি যিয়েনি যিয়েনি শুন্ন্য সিয়েনি তারা শুনিবাত্তে চেইনেয়ো ন-শুনোন্।

মথি লেখ্যে গম্ হবর্ 13:35

ইয়েন্ অলঅ যেন ভাববাদীর মাধ্যমে এই যে কধাগান্ কুয়ো ওইয়্যে সিয়েন্ পূরোণ অয়: শিক্ষ্যে-ভরা উপমা দিইনে মুই মুয়োন্ খুলিম্; জগদর্ আরাম্ভত্তুন্ ধুরি যিয়েনি যিয়েনি লুগেয়্যে এলঅ, সিয়েনি কোম্।

মথি লেখ্যে গম্ হবর্ 20:7

তারা তারে কলাক্, কেঅ আমারে কামত্ ন- লাগায়। তে সে মানুচ্চুনোরে কলঅ, তুমিয়ো মঅ আংগুর খেদর্ কামত্ যঅ।

প্রেরিত্‌ 20:32

গোজেন ইধু আর তার্ কধানি আঢত্ ইক্কিনে মুই তমারে তুলি দোঙর্। গোজেনর্ কধানি তার্ দোয়্যের্ পৌইদ্যেনে কয়, আর তমারে দাঙর্ গুরিবার্ খেমতা সেই কধানির্ আঘে। ইয়েনি বাদে গোজেনে তার্ নিজো মানুচ্চুনোত্তে যিয়েনি থোইয়্যে সেই কধানিয়ে তমারে সিয়েনিয়ো দি পারিবো।

প্রেরিত্‌ 9:20

সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

১ করিন্হীয় 1:23

মাত্তর্ আমি সেই ক্রুশোত্ দিয়্যে খ্রীষ্টর্ কধা প্রচার গুরিই। সেই কধাগান যিহূদীগুনো ইধু এক্কান মানা আর অযিহূদীগুনো ইধু মূর্খতা,

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

১ করিন্হীয় 4:1

মান্‌জ্যে আমারে মনে গত্তোক্ যে, আমি খ্রীষ্টর্ সেবাগুরিয়্যে আর আমা উগুরে গোজেনর্ গুমুরো সত্যগান জানিবার ভারান্ দিয়্যে ওইয়্যে।

২ করিন্হীয় 4:3

আমা গম্ হবরান্ যুনি ঢাক্যা থায় সালে যিগুনে ভস্ত ওই যাদন্ সিগুনো ইধু ঢাক্যা থায়।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

গালাতীয় 2:2

গোজেনর্ আওজ্‌চান ফগদাং অনার্ পরেদি মুই সিধু গেলুং। যে গম হবরান্ মুই অযিহূদীগুনো ইধু প্রচার গুরি থাং সিয়েন কলুং। মন্ডলীর গণ্যমান্য মানুচ্চুনো ইধু সিয়েনি বেক্কানি ভিদিরে ভিদিরে কলুং, কিয়া মর্ দর্ লাগেত্তে, অয়ত মুই অনত্তক্ কাম গরঙর্ বা গোজ্জ্যং।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

ইফিষীয় 3:11

ইয়েনই এলঅ তার্ উমরর্ আওজ্, আর সেই আওজ্‌চান তে আমার প্রভু যীশু খ্রীষ্টর্ মাধ্যমে পূরেই দিয়্যে।

ইফিষীয় 3:9

ইয়েন বাদে তার গুমুরো উদ্দেচ্চ্যগান যে কিবাবোত্যেগুরি কামত্ লাগা অবঅ সিয়েন ফগদাং গুরিবার্ ভারান্‌অ তে মঅ উগুরে দিয়্যে। বেক্কানির্ সৃট্টিগুরিয়্যে গোজেনে এদক্ বিলোন ধুরি তার্ সেই উদ্দেচ্চ্যগান গুমুরোত্ থোইয়্যে।

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

কলসীয় 2:2

মুই চাং যেন তারা রিবেঙত্ উচ্চোমি পান আর কোচ্‌পানালোই এক অন্, আর খ্রীষ্ট পৌইদ্যেনে বুঝোনার ফলে যে নিচ্চয়তা পা-যায় সেই পুরো নিচ্চয়তাগান বেশ্ গুরিনে পান্। সিয়েনর কারনে গোজেনর্ গুমুরো সত্যগানরে, অত্তাৎ খ্রীষ্টরে তারা জানি পারিবাক্।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

২ থিষলনীকীয় 2:14

আমি যে গম্ হবরান্ ফগদাং গুরির্ সিয়েনর্ মাধ্যমে সেই উদ্ধোরান পেবাত্যে তে তমারে ডাক্ক্যে, যেনে তুমি আমা প্রভু যীশু খ্রীষ্টর্ মহিমার ভাগী অ।

২ থিষলনীকীয় 3:3

মাত্তর্ প্রভু বিশ্বেজ্‌বলা; তেয়ই তমারে থির্ রাগেব আর শদান আঢত্তুন্ তমারে রোক্ষ্যে গুরিবো।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 2:8

যীশু খ্রীষ্ট পৌইদ্যেনে এ কধাগান মনত্ রাগেচ্, তারে মরাত্তুন্ জেদা গুরি তুলো ওইয়্যে আর তে দায়ুদো গুট্টির্ মানুচ্‌ এলঅ। যে গম হবরান মুই প্রচার গরং সিয়েন ভিদিরে এ কধাগান আঘে,

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”