রোমীয় 16:2 - Chakma Bible

² গোজেন মানুচ্চুনোরে যেবাবোত্যেগুরি আপন গুরি নেযানা উচিত তারে তুমি প্রভুর্ নাঙে সেবাবোত্যেগুরি আপন গুরি লোইয়ো। কনঅ পৌইদ্যেনে যুনি তে তমার সাহায্য চায় সালে তারে সাহায্য গোজ্জ্য, কিয়া তে বোউত্ মান্‌জ্যরে, এমন্‌ কি মরেয়ো, সাহায্য গোজ্জ্যে।

রোমীয় 16:2 ပူးပေါင်းရင်းမြစ်များ

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

প্রেরিত্‌ 9:13

অননিয় কলঅ, “প্রভু, মুই ভালোকজন মুয়োত্ এ মানুচ্চো পৌইদ্যেনে শুন্ন্যং, যিরূশালেমত্ তঅ মানুচ্চুনো উগুরে তে কদক্ অত্যেচার্ গোজ্জ্যে।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

প্রেরিত্‌ 9:39

সেক্কে পিতরে তারা সমারে গেলঅ। তে সিধু লুমোনার্ পরেদি সে উগুরে গুদিবোত্ তারে নেযা অলঅ। বেক্‌ রানি মিলেগুনে সেক্কে পিতর চেরোকিত্ত্যেদি থিয়্যেইনে কানা ধুরিলাক্ আর দর্কা বাঁজি থাগদে যে সিলুমুন আর অন্য কাবর্-চুগোড়ানি বানেয়্যে সিয়েনি পিতররে দেগেলাক্।

প্রেরিত্‌ 9:41

সেক্কে পিতরে তা আঢ্‌তানি ধুরিনে তারে উদিনে থিয়্যেবাত্তে বল্ দিলো। যেরেদি তে গোজেন মানুচ্চুনোরে আর রানি মিলেগুনোরে ডাগিনে তারারে দেগেল যে, দর্কা বাঁজি উঠ্যে।

রোমীয় 15:7

গোজেনর্ বাঈনী যাতে ফগদাং অয়, সেনত্তে খ্রীষ্ট যেধোক্ক্যেন তমারে আপন গুরি নেযেয়্যে সেবাবোত্যে তুমিয়ো একজন আরেক্ জনরে আপন গুরি লঅ।

রোমীয় 16:15

ফিললগ আর যুলিয়া, নিরীয় আর তা বোন, ওলুমপ আর তারা সমারে গোজেনর্ যিদুক্কুন মানুচ্ আঘন্ তারা বেক্কুনোরে ভালেদি জানেয়ো।

রোমীয় 16:23

মুই যিবের্ ঘরত্ থাং আর মন্ডলী মানুচ্চুনে যিবে ঘরত্ এক সমারে এগত্তর্ অন্ সেই গাইয় তমারে ভালেদি জানার্। এ শঅরর্ টেঙা-পৌইজ্যের্ ইজেব্ রাগেবার ভারান্ যিবে উগুরে আঘে সেই ইরাস্ত আর আমা ভেই কার্ত তমারে ভালেদি জানাদন্।

রোমীয় 16:6

মরিয়ম, যিবে তমাত্যে বোউত্ কাম্ গোজ্জ্যে, তারে ভালেদি জানেয়ো। আন্দ্রনীক্ আর যূনিয়রে ভালেদি জানেয়ো।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 2:29

ইয়েনত্যে প্রভুর মানুচ্ ইজেবে জদবদে হুজিয়ে রাজিয়ে তুমি তারে মানি লঅ, আর এবাবোত্যে মানুচ্চুনোরে তুমি সর্মান গরঅ।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

১ তীমথিয় 2:10

সিয়েনর্ বদলে যেন তারা গম গম কাম্বোই নিজোরে সাজান্। যে মিলেগুনে নিজোরে গোজেন-ভক্ত কোই থান্ সেই মিলেগুনোত্যে সিয়েনই অবঅ যগাজ্জ্যে কাম্।

২ তীমথিয় 1:18

ইফিষত্ কেধোক্ক্যেন গুরিনে তে মরে সেবা গোজ্জ্যে সিয়েন তর্ গমেডালে জানা আঘে। প্রভু গোরোক্, যেন খ্রীষ্টর্ এবার দিনোত্ তে প্রভুত্তুন্ দোয়্যে পায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

ফিলীমন 1:12

যা ওক্‌, মুই তারে তইধু ফিরেইনে পাধাঙর্; তে মর্ পরাণ ধোক্ক্যেন কোচ্‌পেইয়্যে।

ফিলীমন 1:17

সেনত্যে যুনি তুই মরে একই বিশ্বেজে বিশ্বেজি বিলি মনে গরচ্ সালে মরে যেবাবোত্যেগুরি মানি লদে ওনীষিমরেয়ো ঠিগ্ সেবাবোত্যে গুরি মানি লঅ।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।