রোমীয় 16:18 - Chakma Bible

¹⁸ কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 16:18 ပူးပေါင်းရင်းမြစ်များ

২ শমূয়েল 15:6

ইস্রায়েলীয়গুনোর যিদুক্কুন মানুচ্‌ রাজা ইদু বিচেরত্তে এদাক্‌ অবশালোমে তারার্‌ লগে এধোক্ক্যেন্‌ বেবহার গুরিদো। এধোক্ক্যেনগুরিনে তে ইস্রায়েলীয়গুনোর মনানি জয় গুরিলো।

২ বংশধর 18:5

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারা অলাক্কে চের্‌শত্‌ জন। তে তারারে পুযোর্‌ গুরিলো, “রামোৎ-গিলিয়দ বিরুদ্ধে কি আমি যুদ্ধো গুরিবাত্তে যেবং, নাহি ন-যেবং?” তারা কলাক্‌, “যঅ, কিত্তে গোজেনে সিয়েন্‌ রাজার আঢত্‌ তুলি দিয়্যে।”

গীতসংহিতা 119:130

তঅ কধানি ফগদাং অলে সিয়েনিয়ে পহ্‌‌র্ ফুদেই দে; সিয়েনিয়ে সিদেসিদি মানুচ্চুনোরে বুঝিবার খেমতা দে।

গীতসংহিতা 12:2

মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গম্ উপদেজ্ 14:15

ভুল্ মান্‌জ্যে বেক্ কধানি বিশ্বেজ্ গরন, মাত্তর্ উজিয়ারবলা মান্‌জ্যে বিচের্ বুদ্ধি খাদেইনে চলন্।

গম্ উপদেজ্ 22:3

উজিয়ারবলা মান্‌জ্যে দজা দেগিনে আশ্রয় নেযায়, মাত্তর্ ভুল্ মানুচ্চুনে দজা দেগিনেয়ো চলন্ আর সেনত্তে সাজা পান্।

গম্ উপদেজ্ 8:5

ভুল্ মানুচ্চুন, চালাগ্ অবাত্তে বুদ্ধি গরঅ; জ্ঞাননেইয়্যে মানুচ্চুন্, বিচেরবুদ্ধি শিগো।

যিরমিয় 23:17

যিগুনে মরে ঈচ্ গরন তারা ইধু সেই ভাববাদীগুনে এ কধাগান কন, ‘লগেপ্রভু কোইয়্যেদে, তমার শান্তি অবঅ’; আর যিগুনে নিজোর মন একগেয়েমীলোই চলন তারা তারারে কন, ‘তমার কনঅ দযা ন-অবঅ।’

যিহিষ্কেল 13:16

অত্তাৎ ইস্রায়েলর সেই ভাববাদীগুনে যিগুনে যিরূশালেম মানুচ্চুনো ইধু কধা কোইয়োন আর শান্তি ন-থেলেয়ো শান্তির দর্শনান্ দেখ্যন তারায়ো নেই। মুই প্রভু লগেপ্রভু এ কধাগান কঙর্।’”

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

দানিয়েল 11:34

এ অক্তত্ তারা কম্ সাহায্য পেবাক্ আর ভালোক্কুনে কোজোলী গুরিনে তারা সমারে মিজেবাক্।

মীখা 3:5

যিদুক্কুন ভাববাদী মঅ মানুচ্চুনোরে ভান্ন্যেই পধেদি নেযেয়োন তারারে যুনি কনজনে হেবাত্তে দুয়োন্ সালে তারা “শান্তি” কোইনে ফগদাং গরন্; মাত্তর্ যুনি হেবাত্তে ন-দুয়োন সালে তারা তা বিরুদ্ধে যুদ্ধো গুরিবাত্তে যুক্কোল্ অন্। সেনত্তে লগেপ্রভু সেই ভাববাদীগুনোরে কত্তে,

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

মথি লেখ্যে গম্ হবর্ 24:11

বোউত্ ফক্কর্ ভাববাদী এইনে ভালোক্ জনরে ঠোগেবাক্।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

রোমীয় 14:18

যে এবাবোত্যেগুরি খ্রীষ্টরে সেবা গরে গোজেনে তা উগুরে হুজি অয় আর মান্‌জ্যেয়ো তারে গম্ মনে গরন্।

রোমীয় 16:19

তমা বাধ্যতার কধা বেক্কুনে শুন্ন্যন্, আর সেনত্তে মুই তমা উগুরে হুজী ওইয়োং। মুই চাং যেন তুমি গমানরে চিনিনে মানি লঅ আর বজঙত্তুন্ দূরোত্ থাগঅ।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

কলসীয় 2:4

মুই তমারে এ কধাগান্ কঙর্ যেনে কেঅ মন-ভুলেইয়্যে যুক্তি-তর্কলোই তমারে ভুল্ পধেদি নেযেই ন-পারন।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?