রোমীয় 16:17 - Chakma Bible

¹⁷ ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

রোমীয় 16:17 ပူးပေါင်းရင်းမြစ်များ

মথি লেখ্যে গম্ হবর্ 18:17

যুনি তে তারা কধা ন-শুনে সালে মন্ডলীরে কঅ। তে যুনি মন্ডলীর কধায়ো ন-শুনে সালে তে তইধু অযিহূদী বা খাজানা-তুলিয়্যে ধোক্ক্যেন্ ওক্।

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

লূকে লেখ্যে গম্ হবর্ 17:1

যীশু তা শিচ্চ্যগুনোরে কলঅ, পাপঅ পধেদি নেযেবাত্যে মানুচ্চুনে চিন্তে গুরিনে পড়ি যান্ আর সিয়েনি ঘদে, মাত্তর্ কত্তমান দর্‌গরেপারা যিবের মাধ্যমে সিয়েনি ঘদে!

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

১ করিন্হীয় 11:18

পত্তমে মুই শুনঙর্, তুমি যেক্কে মন্ডলী ইজেবে একসমারে এগত্তর্ অ সেক্কে তমা ভিদিরে দলাদুলি থায়, আর মুই সিয়েন কিজু বিশ্বেজ্অ গরং।

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

গালাতীয় 2:4

কয়েক্কো ভন্ড ভেই ভিদিরে ভিদিরে সমানার্ কারনে কধাগান উঠ্যে। খ্রীষ্ট যীশু উগুরে বিশ্বেজি ইজেবে আমার্ যে স্বাধীনতা আঘে সেই স্বাধীনতাগানর্ দুষ্ ধুরিবাত্যে ইগুনে ভিদিরে ভিদিরে সোম্মোন্ যেন আমারে চাগর্ বানেই পারন্।

ফিলিপীয় 3:17

ভেইলগ্, তুমি বেক্কুনে মঅ ধোক্ক্যেন গুরি চলঅ, আর যিগুনে এবাবোত্যেগুরি আঢাউদো গরন্ তারারে চিনি রাগঅ। কেধোক্ক্যেন গুরিনে চলা পরে সিয়েন আমি তমারে দেগেয়্যেই।

কলসীয় 2:8

তুমি উজিয়ার্ অ, যেন কেঅ মান্‌জ্যর পাম্‌দিয়্যে ছলনাবলা দর্শনর্ শিক্ষ্যেলোই তমারে বন্দী ইজেবে টানি নেযেই ন-পারে। খ্রীষ্ট লগে সেই শিক্ষ্যের্ কনঅ মিল্ নেই; মান্‌জ্যর্ বানেইয়্যে সুদোম আর জগদর্ নানান্ রীতিনীতি উগুরে সিয়েনি নির্ভর গরে।

২ থিষলনীকীয় 3:6

ভেইলগ্, আমা প্রভু যীশু খ্রীষ্টর্ নাঙে আমি তমারে এ উগুমান দির্-যুনি কনঅ ভেই আল্‌সি গুরিনে কাদায় আর আমাত্তুন্ তুমি যে শিক্ষ্যেগানি পেয়ো সিয়েনি ন-পালায়, সালে তুমি তা সমারে ন-মিল্ল্য।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

২ তীমথিয় 3:5

বারেদি চেঙারাগান দেগিনে মনে অবঅ যেন গোজেনরে তারা কত্তমান ভোক্তি গরন, মাত্তর্ আজলে গোজেন ভোক্তির্ খেমতাগানরে তারা অস্বিগের্ গরন্। এবাবোত্যে মানুচ্চুনোত্তুন্ দূরোত্ থেইস্।

তীত 3:10

যে মানুচ্‌ ভুল্ শিক্ষ্যে দিইনে দলাদলির্ সৃট্টি গরে তারে পত্তমে একবার, যেরেদি আর একবার উজিয়ার্ গুরিচ্। ইয়েন্দোই কাম ন-অলে তা সমারে মিলেনা এক্কুবারে বন্ধ গুরি দে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

যিহূদা 1:19

এ মানুচ্চুনে দলাদলি সৃট্টি গরন্ আর তারা নিজোর আওজ্ মজিম চলন্। তারার্ মনভিদিরে পবিত্র আত্মা নেই।