রোমীয় 15:31 - Chakma Bible

³¹ তুমি তবনা গরঅ, যিহূদীয়াত্ যিগুনে অমান্য গরন্ তারা আঢত্তুন্ মুই যেন রোক্ষ্যে পাং, আর যিরূশালেমর্ গোজেন মানুচ্চুনে যেন মর্ এ সাহায্যগান্ গুজি লন্।

রোমীয় 15:31 ပူးပေါင်းရင်းမြစ်များ

প্রেরিত্‌ 22:24

সেক্কে আজল্ সেনাপতিবো পৌলরে কেম্পত্ নেযেবার্ উগুম্ দিলো। কিত্ত্যে মানুচ্চুনে পৌল বিরুদ্ধে এবাবোত্যেগুরি রঅ ছাড়দন্ সিয়েন জানিবাত্তে তে তারে চাবুক্ মারিনে জেরা গুরিবাত্তে উগুম দিলো।

প্রেরিত্‌ 25:2

সেক্কে আজল্ ধর্মগুরুগুনে আর যিহূদী নেতাগুনে তাইধু যেইনে পৌল বিরুদ্ধে আবিত্তি জানেলাক্।

প্রেরিত্‌ 25:24

সেক্কে ফীষ্ট কলঅ, “রাজা আগ্রিপ্প আর যিগুনে ইধু আঘ, তুমি এ মানুচ্চোরে দেগর্। বেক্‌ যিহূদীগুনে যিরূশালেমত্ আর কৈসরিয়াত্ মইধু আবিত্তি গোজ্জ্যন্ আর রঅ ছাড়িনে কোইয়োন, এ মানুচ্চোর্ আর্ বাঁজি থানা উচিত্ নয়।

প্রেরিত্‌ 9:13

অননিয় কলঅ, “প্রভু, মুই ভালোকজন মুয়োত্ এ মানুচ্চো পৌইদ্যেনে শুন্ন্যং, যিরূশালেমত্ তঅ মানুচ্চুনো উগুরে তে কদক্ অত্যেচার্ গোজ্জ্যে।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 15:25

মাত্তর্ ইক্কিনে মুই গোজেন মানুচ্চুনোরে বল্ দিবাত্যে যিরূশালেমত্ যাঙর্,

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 8:4

তারা অমকদ আওজ্ গুরিনে আমা ইধু কোজোলী গোজ্জ্যন্ যেন গোজেনর্ যে মানুচ্চুনে অভাবত্ আঘন্ তারার্ অভাব্‌পান দূর্ গুরিবার কামত্ তারা মিজেবার্ জু পান্।

২ করিন্হীয় 9:1

গোজেন মানুচ্চুনোত্যে দান দিবার্ যে কাম্ চলের্ সে পৌইদ্যেনে তমা ইধু লিগিবার অবুচ্চ্যই কনঅ দরকার নেই,

২ করিন্হীয় 9:13

তুমি যে বিশ্বেজি, তমার্ এই দান্ গরানাগানে সিয়েন প্রমাণ গুরিবো, আর সিয়েন দেগিনে তারা গোজেনরে বাঈনী গুরিবাক্, কিয়া তুমি খ্রীষ্ট পৌইদ্যেনে গম্ হবরান্ বিশ্বেজ্ গুরিনে তার্ বাধ্য ওইয়ো আর তুমি খুলো আঢে তারারে আর অন্য বেক্কুনোরে দান গোজ্জ্য।

১ থিষলনীকীয় 2:15

সেই যিহূদীগুনে প্রভু যীশুরে আর ভাববাদীগুনোরে মারে ফেল্ল্যন, আর আমা উগুরেয়ো তারা অত্যেচার্ গোজ্জ্যন্। তারা গোজেনরে বেজার্ গরন্, আর বেক্‌ মানুচ্চুনো উগুরে তারার্ শত্রু-ভাব আঘে।

২ থিষলনীকীয় 3:2

আরঅ তবনা গোজ্জ্য যেন আমি বিবেক্ নেইয়্যে আর শদান মানুচ্চুনো আঢত্তুন্ রোক্ষ্যে পেই, কিয়া বেক্‌ মানুচ্চুনোর্ যে বিশ্বেজ্‌চান আঘে সিয়েন নয়।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।