রোমীয় 15:30 - Chakma Bible

³⁰ ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

রোমীয় 15:30 ပူးပေါင်းရင်းမြစ်များ

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

২ করিন্হীয় 1:11

আর তুমিয়ো আমাত্যে তবনা গুরিনে আমারে সাহায্য গোজ্জ্য। সালে ভালোক্ জনর্ তবনা গরানার্ ফলে আমি যে আশিদ্‌বাদ পেবং সিয়েনর্ কারনে আমাত্যে ভালোক্‌জনে গোজেনরে ভালেদি জানেবাক্।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 4:11

আমি যিগুনে বাঁজি আঘিই আমারে নিত্য যীশুত্যে মরণ আঢত্ তুলি দিয়্যে অর্, যেন আমার্ মরণর্ অধীন কিয়্যেত্ যীশুর জিংকানিগান্‌অ ফগদাং অয়।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

ফিলিপীয় 2:1

সালে খ্রীষ্ট সমারে মিজেইনে যেক্কে উচ্চোমি পাহ্ যায়, খ্রীষ্টর্ কোচ্‌পানার কারনে যেক্কে সান্তনা পাহ্ যায়, পবিত্র আত্মা আর তমা ভিদিরে যেক্কে উদোলোলি আঘে, তমা মনত্ যেক্কে কোচ্‌পানা আর দোয়্যে-মেয়্যে আঘে,

কলসীয় 1:8

পবিত্র আত্মায় তমারে যে কোচ্‌পানার মনভাব দান গোজ্জ্যে তা পৌইদ্যেনে ইপাফ্রা আমারে জানেয়্যে।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

১ থিষলনীকীয় 5:25

ভেইলগ্, আমাত্যে তবনা গোজ্জ্য।

২ থিষলনীকীয় 3:1

শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-