রোমীয় 15:24 - Chakma Bible

²⁴ সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

রোমীয় 15:24 ပူးပေါင်းရင်းမြစ်များ

গম্ উপদেজ্ 25:17

পাড়াল্যেগুনোর ঘরত্ কম যেচ্, বেশ্ গেলে তে তরে গম্ ন-পেবঅ।

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

রোমীয় 1:12

সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

রোমীয় 15:28

মর্ এ কামান্ থুম্ অলে পরেদি যেক্কে মুই কোই পারিম, সেই টেঙাগুন্ গমেডালে লুমেই দুয়োন্ সেক্কে তমা কায় কুরে গুরি মুই স্পেইনত্ যেম্।

২ করিন্হীয় 1:16

মুই ঠিগ্ গোজ্জ্যংগে যে, ম্যাসিডোনিয়া যেবার্ পধত্ তমা লগে দেগা গুরিনে যেম্ আর ম্যাসিডোনিয়াত্তুন্ আরঅ তমা ইধু ফিরি এম্, যেন তুমি মরে যিহূদিয়াত্ পাদেবার্ বেবস্থা গুরি পারঅ।

৩ যোহন 1:6

মন্ডলীর বেক্কুনো মুজুঙোত্ তারা তর্ কোচ্‌পানার কধা কোইয়োন। গোজেনে যেনে হুজি অয় সেবাবোত্যেগুরি তুমি তারার্ যানার্ বেবস্থা গুরি দিলে গম অবঅ।