রোমীয় 15:2 - Chakma Bible

² বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

রোমীয় 15:2 ပူးပေါင်းရင်းမြစ်များ

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

১ করিন্হীয় 10:23

কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 10:24

কেঅ তার নিজোর্ মংগল চেষ্টা ন-গোরোক্ বরং পত্তিজনে অন্যর্ মংগল চেষ্টা গোরোক্।

১ করিন্হীয় 13:5

ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 13:9

যেক্কে আমি মেরা মেরা ওই আর তুমি বোলী অ সেক্কে আমি হুজী ওই। আর আমি তবনা গুরিই যেন তুমি বেক্কানি ঠিগ্ ওইনে খাটি অ।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।