রোমীয় 15:14 - Chakma Bible

¹⁴ মঅ ভেইয়ুন, মুই তমা পৌইদ্যেনে এ কধাগান্ বিশ্বেজ্ গরঙর্ যে, তমা মনানি ভালেদির্-আয়োজে ভরা, তমার্ নানান্ বাবোত্যে জ্ঞান্ আঘে, আর তুমি একজন আরেকজনরে উপদেচ্‌ দি পারঅ।

রোমীয় 15:14 ပူးပေါင်းရင်းမြစ်များ

১ করিন্হীয় 1:5

সেই দোয়্যেগান্ ইয়েন, তুমি খ্রীষ্ট সমারে মিজেইনে বেক্কানিত্তুন্, অত্তাৎ বেক্কানি কবার্ খেমতা আর জ্ঞানদি বাড়ি উত্ত্য,

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

১ করিন্হীয় 8:10

তর্ দঅ জ্ঞান আঘে, মাত্তর্ যিবের্ বিবেক নরম তে যুনি তরে দেবেদা মন্দিরোত্ বৈইনে হাদে দেগে সালে তেয়ো কি মূত্তি ইধু উৎসর্ব-গোজ্জ্যে হানা হেবাত্তে উচ্চোমি ন-পেবঅ?

১ করিন্হীয় 8:7

মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

২ করিন্হীয় 8:7

বেক্কানি, অত্তাৎ বিশ্বেজ্, গোজেন পৌইদ্যেনে কবার্ খেমতা, জ্ঞান, আওজ্ আর আমা উগুরে কোচ্‌পানা যেবাবোত্যে তমার্ জদবদে আঘে ঠিগ্ সেবাবোত্যে দান গুরিবার্ গুণ্অ যেন তমার্ পেলেং বেঈ পড়ে।

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ থিষলনীকীয় 5:11

ইয়েনত্যে তুমি ইক্কিনে যিয়েন গরর্ সেবাবোত্যেগুরি একজন আরেকজনরে উচ্চোমি দান গুরিবাত্যে আর একজন আরেক জনরে গাধেই তুলোনাত্ থাগঅ।

১ থিষলনীকীয় 5:14

ভেইলগ্, আমি তমারে এ উপদেচ্‌‌‌চান দিত্তে-যিগুনে আল্‌চি তারারে উজিয়ার্ গরঅ; যিগুনোর সাহচ্‌ নেই তারারে সাহচ্‌ দুয়ো; যিগুনে বল্‌‌পোজ্জ্যে তারারে বল্ দুয়ো আর বেক্কুনোরে ধৈয্য ধুরিনে সোজ্জ্য গরঅ।

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।

২ তীমথিয় 1:5

তঅ মনত্ যে ঘেচ্চ্যেকগুরি বিশ্বেজ্ আঘে সে কধাগান্অ মঅ মনত্ আঘে। এ বিশ্বেজ্‌চান আগে তর্ নানু লোয়ীর আর তর্ মা উনীকীর মনত্ এলঅ, আর মুই ঘেচ্চ্যেকগুরি হবর্ পাং, এ বিশ্বেজ্‌চান তঅ মনত্‌অ আঘে।

ফিলীমন 1:21

তুই মঅ কধানি মানি লবে কোই পারিনে মুই তইধু এ চিধিয়ান লেগঙর্। খালিক্ মুই কোই পারং, মুই যিয়েনি কঙর্ তুই সিয়েনত্তুন্-অ বেচ্‌ গুরিবে।

ইব্রীয় 5:12

এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।

ইব্রীয় 6:9

কোচ্‌পেইয়্যে সমাজ্জ্যেগুন, যুনিয়ো আমি এই বেক্‌ কধানি কোর্ তো আমি বিশ্বেজ্ গুরিই যে, তমা অবস্থা সেবাবোত্যে নয়; পাপত্তুন্ উদ্ধোরর্ ফল তমা জিংকানিত্ দেগা যার্।

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

১ যোহন 2:21

সত্যগানরে কোই ন-পারঅ বিলি মুই যে তমা ইধু লিগিলুং সিয়েন নয়, মাত্তর্ তুমি সত্যগানরে কোই পারঅ আর ইয়েন-অ কোই পারঅ যে, সত্যত্তুন্ মিজে কধানি ন-এজে; আর সেনত্যে মুই তমা ইধু লিগিলুং।