রোমীয় 15:13 - Chakma Bible

¹³ যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

রোমীয় 15:13 ပူးပေါင်းရင်းမြစ်များ

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

রোমীয় 12:12

তমা মুজুঙোত্ যে আজাগান্ আঘে সিয়েনত্যে ফুত্তি গরঅ। দুঘ্-কষ্টত্ ধৈজ্জ্য ধরঅ। নিত্য তবনা গরঅ।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 15:5

খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।

১ করিন্হীয় 2:4

মর্ প্রচার আর মর্ দিয়্যে হবর্ ভিদিরে মানুচ্চুনোরে ভাজেই নেযাইদ্যে ধোক্ক্যেন কনঅ জ্ঞানবলা যুক্তি-তর্ক ন-এলঅ বরং পবিত্র আত্মার্ খেমতা সিয়েনত্ দেগা যেইয়্যে,

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ইফিষীয় 1:2

আমা বাবা গোজেনে আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

১ শমূয়েল 1:18

হান্না কলদে, “এই চাগরানীবো উগুরে তর্‌ মেইয়্যে থোক্।” ইয়েন কোইনে তে গেলঅ আর হানা-দানা গুরিলোগোই। তার মুয়োন আর সুদোমু দেগা ন-গেলঅ।