রোমীয় 14:6 - Chakma Bible

⁶ বিশেষ্ কনঅ এক্কো দিন যে পালায় তে দঅ গোজেনরে হুজি গুরিবাত্তে সিয়েন গরে। যে বেক্কানি খায় তে গোজেনরে হুজি গুরিবাত্তে খায়, কিয়া তে গোজেনরে ভালেদি জানায়। যে বেক্কানি ন-খায় তে গোজেনরে হুজি গুরিবাত্তে ন-খায়, আর তেয়ো গোজেনরে ভালেদি জানায়।

রোমীয় 14:6 ပူးပေါင်းရင်းမြစ်များ

যাত্রা 12:14

তমাত্যে সেদিন্নো অবঅ এক্কো নাঙ্‌ থাইদে দিন। লগেপ্রভুর নাঙে এ পরপ্‌পো এক্কো উমরত্যে সুদোম্‌ ইজেবে তমা বংশর পর বংশ ধুরি পালন্‌ গুরিবাক্‌।

যাত্রা 12:42

লগেপ্রভু সেই রেদোত্‌ পারা দিইনে মিসর্‌ দেজত্তুন্‌ তারারে নিগিলেই আন্যে বিলি বংশর পর বংশ ধুরিনে ইস্রায়েলীয়গুনেয়ো লগেপ্রভুর কধা মনত্‌ গুরিনে সেই রেত্তো জাগিনে কাদা পড়ে।

যাত্রা 16:25

মোশি সেক্কে কলঅ‌, “এচ্চ্যে তুমি সিগুনোই‌ হঅ কিত্তে এচ্চ্যে লগেপ্রভুর্‌ বেঈ লোইয়ে জিরেবার্‌ দিন। এচ্চ্যে তুমি মাদঅ ইদু সিয়েনি ন-দেগিবা।

যিশাইয় 58:5

মুই কি এবাবোত্যে উবোস্ থানাগান্ চেইয়োং? তমার্ উবোস্ থানাগান দঅ বানা নিজোরে দুঘ্ দেনা; সিয়েন বানা নল-খাগাড়া ধোক্ক্যেন মাঢাবো লোঙেয়্যে আর বস্তা ফাদা আহ্ ছেইয়ো উগুরে পড়ি থানা। ইয়েনরে কি তুমি উবোস্ থানা আর লগেপ্রভুর দোয়্যে দেগেবার দিন কঅ?

সখরিয় 14:21

যিরূশালেম আর যিহূদার পত্তি রানেদে পিলেগুন বেগত্তুন্ খেমতাবলা লগেপ্রভুর নাঙে সুদ্ধো-সাংগ অবাক্ আর যিগুনে য়েমান-উৎসর্বর অনুষ্ঠান পালেবাত্তে এবাক্ তারা সেই পিলেগুনোত্তুন কয়েক্কো নিইনে সিগুনোত্ রানিবাক্। সেদিন্যে বেগত্তুন্ খেমতাবলা লগেপ্রভুর ঘরত্ কনজনে বেবসা ন-গুরিবাক্।

যোহন 6:28

ইয়েন্দোই মানুচ্চুনে যীশুরে পুযোর্ গুরিলাক্, “সালে গোজেনর্ কাম্ গুরিবাত্যে আমাত্তুন্ কি গরা পুরিবো?”

গালাতীয় 4:10

তুমি বিশেষ বিশেষ দিন, মাস, ঋতু আর বজর্ পালন গরর্!