রোমীয় 14:23 - Chakma Bible

²³ মাত্তর্ যুনি কনজনে সন্দেহ গুরিনে কনঅ কিজু খায় সালে তে দুষি, কিয়া তে তার্ বিশ্বেজ্ মজিম কাম্ ন-গরের্। বিশ্বেজ্ বিরুদ্ধে কনঅ কিজু গরানা পাপ।

রোমীয় 14:23 ပူးပေါင်းရင်းမြစ်များ

রোমীয় 13:2

ইয়েনত্যে শাসনগুরিয়্যেবোর্ বিরুদ্ধে যে থিয়্যেই তে গোজেনর্ শাসন-বেবস্থার্ বিরুদ্ধে থিয়্যেই। যিগুনে এবাবোত্যে গরন্ তারা নিজো উগুরে সাজা ডাগি আনন্।

রোমীয় 14:5

কারঅ ইধু কনঅ এক্কো দিন অন্য এক্কো দিনোত্তুন্ মূল্যবান। আরঅ কেঅ বেক্‌ দিনুনোরে সং মনে গরন্। এ পৌইদ্যেনে কন্না কি গুরিবো ন-গুরিবো, সিয়েন্দোই যেন তা মনান্ পুরোপুরি গুরিনে সায় দে।

১ করিন্হীয় 8:7

মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।