রোমীয় 14:19 - Chakma Bible

¹⁹ ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

রোমীয় 14:19 ပူးပေါင်းရင်းမြစ်များ

গীতসংহিতা 133:1

মঅ জাদ্ ভেইয়ুন যেক্কেনে এগা মনে একসমারে বজত্তি গরন্ সেক্কেনে সিয়েন কত্তমান্ গম্ আর কত্তমান দোল্ লাগে!

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

মথি লেখ্যে গম্ হবর্ 5:9

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।

মার্ক 9:50

“নুন্ গম জিনিস, মাত্তর্ যুনি নুনোর্ সুয়োত্তান্ বর্‌‌বাদ্ ওই যায় সালে কেধোক্ক্যেন্‌‌‍ গুরিনে আরঅ নুন্‌‌‍যো গরা যেবঅ? তমা মন ভিদিরে নুন্ থঅ আর তুমি একজন আরেক্‌‌‍জন লগে সুগে-শান্দিয়্যে থাগঅ।”

রোমীয় 12:18

তমা ইন্দিত্তুন্ যিদ্দুর্ পারঅ বেক্‌ মানুচ্চুনো সমারে সুগে-শান্দিয়্যে বজত্তি গরঅ।

রোমীয় 15:2

বিশ্বেজি ভেইয়োরে গোড়েই তুলিবার আজায় আমি পত্তিজনে যেন তার্ ভালেদিত্যে তারে হুজি গুরিই।

১ করিন্হীয় 10:23

কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 14:26

ভেইলগ্, সালে কি কোম্? তুমি যেক্কে মন্ডলীত্ এক জাগাত্ এগত্তর্ অ সেক্কে তমাত্তুন্ কেঅ নাঙ্-গিনিবার্ গীদ্ গরে, কেঅ শিক্ষ্যে দে, কেঅ গোজেনর্ সত্য ফগদাং গরে, কেঅ অন্য ভাষায় কধা কয়, আরঅ কেঅ সিয়েনর্ অত্তগান বুঝেই দে। যে যিয়েন গত্ত সাৎ বেক্কানি যেন মন্ডলীরে গড়েই তুলিবাত্যে গরা অয়।

১ করিন্হীয় 14:3

মাত্তর্ ভাববাদী ইজেবে যে কধা কয় তে মান্‌জ্য ইধু এমন্‌ কধা কয় যিয়েনি তারারে গড়েই তুলে আর উচ্চোমি আর সান্তনা দে।

১ করিন্হীয় 14:4

অন্য কনঅ ভাষায় যে মানুচ্চো কধা কয় তে নিজোরে গড়েই তুলে, মাত্তর্ ভাববাদী ইজেবে যে কধা কয় তে মন্ডলী মানুচ্চুনোরে গড়েই তুলে।

১ করিন্হীয় 14:5

মুই চাং যেন তুমি বেক্কুনে নানান্ ভাষায় কধা কোই পারঅ, মাত্তর্ আরঅ বেশ্ গুরি চাং যেন তুমি ভাববাদী ইজেবে কধা কোই পারঅ। অন্য কনঅ ভাষায় যে মানুচ্চো কধা কয়, মন্ডলীর্ মানুচ্চুনোরে গড়েই তুলিবাত্যে যুনি তে তার্ কধানির্ অত্তগান বুঝেই ন-দে, সালে তাত্তুন্ ভাববাদী ইজেবে যে কধা কয় তে-ই বরং দাঙর্।

১ করিন্হীয় 7:15

মাত্তর্ যুনি সেই অবিশ্বেজি নেক্কো বা মোক্কো যেবাত্তে চায় সালে তে যোক্। এবাবোত্যে অবস্থায় সেই বিশ্বেজি ভেই বা বোন্নো কনঅ বানা-বান্যের্ মধ্যে ন-থায়। গোজেনে দঅ আমারে সুগে-শান্দিয়্যে থেবাত্তে ডাক্ক্যে।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

১ তীমথিয় 1:4

তারারে এ উগুমান্অ দিচ যেন তারা হিত্যে-কধালোই আর দাঙর্ দাঙর্ গুট্টির্-নাঙানি ইন্দি মনযোগ ন-দুয়োন। ইয়েনিয়ে গোজেনর্ কাম বাদ দিইনে নানান্ তর্কাতর্কির সৃট্টি গরে মাত্তর্ গোজেনে কেধোক্ক্যেন গুরি তার্ কামানি পরিচালনা গরে সিয়েনি বিশ্বেজর্ মাধ্যমে জানা যায়।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

১ পিতর 3:11

ভান্ন্যেই কামত্তুন্ তে দূরোত্ থোক্, আর গম কাম গোরোক্; সুগ-শান্দিত্যে আওজি ওইনে তে তার্ পিজেদিগান ন-ছাড়োক্।