রোমীয় 14:18 - Chakma Bible

¹⁸ যে এবাবোত্যেগুরি খ্রীষ্টরে সেবা গরে গোজেনে তা উগুরে হুজি অয় আর মান্‌জ্যেয়ো তারে গম্ মনে গরন্।

রোমীয় 14:18 ပူးပေါင်းရင်းမြစ်များ

পত্থম 4:7

যুদি তুই গম কাম্‌ গরচ্‌ সালে কি তঅ মুয়োন আজি-হুজি ন-অদঅ? মাত্তর্ যুদি গম্ কাম নঅ-গরচ্‌ সেক্কে দঅ শদানে তরে পেবাত্তে তঅ ইধু এইনে বোই থেবগি; মাত্তর্ তারে তত্তুন্ বুঝে আনা পুরিবো।”

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

১ করিন্হীয় 7:22

চাগর্ থানা অবস্থায় প্রভু যারে ডাক্ক্যে তে প্রভুলোই স্বাধীন ওইয়্যে। সেবাবোত্যে যারে স্বাধীন অবস্থায় ডাগা ওইয়্যে তে খ্রীষ্টর্ চাগর্ ওইয়্যে।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 5:9

সেনত্যে আমি কিয়্যেগানর্ ঘরানত্ বজত্তি গুরিই বা ন-গুরিই, আমার্ উদ্দেচ্য অত্তে প্রভুরে হুজী গরানা।

২ করিন্হীয় 6:4

তাত্তুন্ বরং বেক্কানি পৌইদ্যেনে গোজেনর্ সেবাগুরিয়্যে বিলিনে আমি নিজোরে প্রমাণ গুরিই। অত্যেচার্, দযা আর দুঘোত্ বোউত্ ধৈজ্জ্য ধুরিনে আমি এ প্রমাণান্ দির্।

২ করিন্হীয় 8:21

আমি বানা প্রভুর্ মুজুঙোত্ নয়, মাত্তর্ মান্‌জ্য মুজুঙোত্অ গমেডালে চলানা ইন্দি মনযোগ্ দিই।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

১ তীমথিয় 2:3

আমার উদ্ধোর গুরিয়্যে গোজেনর চোগেদি সিয়েন গম্ আর ইয়েন্দোই তে হুজী অয়।

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 2:20

অন্যেয় কামত্যে মেইর্ খেইনে যুনি তুমি সিয়েন সোজ্জ্য গরঅ সালে সিয়েনত্ বাঈনী গুরিবার কি আঘে? মাত্তর্ গম কাম গুরিনেয়ো যুনি তুমি সিয়েনত্যে দুঘ্ পেইনে সিয়েন সোজ্জ্য গরঅ, সালে সিয়েনই গোজেন চোগেদি নাঙ্ গিনেদে ধোক্ক্যেন।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।